Ilon Masktyń bir jazbasynan keıin krıptovalıýta jáne bırja naryǵy quldyrady

Tesla kompanııasynyń bas atqarýshy dırektory Ilon Masktyń Bitcoin týraly oıyn kenetten ózgerýi Bitcoin qunyn 15%-ǵa tómendetti. Ile-shala krıptovalıýtaǵa baılanysty kompanııalardyń aksııalary quldyrady.

Tesla kompanııasy Bitcoin arqyly kólik quraldaryn satyp alýdy ýaqytsha toqtatty jáne onyń ornyna energııany kóp qajet etpeıtin basqa sandyq valıýtalardy zertteıtin bolady. Bul týraly kompanııanyń bas atqarýshy dırektory Ilon Mask Twitter paraqshasynda málimdegen bolatyn.

Málimdemeden keıin búkil krıptovalıýta naryǵy shamamen 365 mıllıardtan 2,06 trıllıon dollarǵa deıin tómendedi: Bitcoin, Ethereum jáne Ripple XRP tez quldyrady.

Tesla kompanııasy Bitcoin-nyń qorshaǵan ortaǵa edáýir zııan tıgizýi múmkin ekenin jarııalaýy onyń aksııalarynyń beısenbidegi naryq aldyndaǵy saýda-sattyqta 2,7%-ǵa tómendeýine ákeldi.

О́tken aıda ǵana aınalymǵa shyqqan negizgi krıptovalıýta bırjasy Coinbase 5%-ǵa tómendedi. 90,000 Bitcoin bar MicroStrategy 10% quldyrady, al Twitter kompanııasynyń bas atqarýshy dırektory Djek Dorsıdiń tólemder fırmasy Square 2% tómendedi.

Krıptoqorlar da qatty zardap shekti. Riot Blockchain jáne Marathon Digital Holdings 13%, BitDigital 6% tómendedi. 

Aıta keteıik, buǵan deıin de Ilon Masktyń krıptovalıýta týraly oılary men josparlary sandyq aktıv naryǵynyń kóterilýi men tómendeýine aıtarlyqtaı áser etken bolatyn.