• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 04:05:05
-6°

Búgin májilistiń jalpy otyrysynda "Aq jol" fraksııasynyń depýtaty Berik Dúısenbınov joǵary oqý oryndarynyń jekemenshik jerlerine qatysty depýtattyq saýal joldady.

Dúısenbınov atap ótkendeı, ál-Farabı atyndaǵy Qazaq Ulttyq ýnıversıtetiniń jer aýmaǵy belgisiz sebeptermen azaıyp qalǵan jáne osy másele qoǵamdy alańdatyp otyr.

– Jer quqyǵy boıynsha sarapshy, zańger Baqytjan Bazarbektiń málimetterine súıensek, 2012 jylǵy 30 qańtardaǵy Almaty qalasy ákiminiń qaýlysyna sáıkes enıversıtettiń paıdalaný quqyǵyna jalpy kólemi 73,26 gektar jer berilgen. Al 2017 jyly 2 qazanda Almaty qalasy ákiminiń № 4/392-22-36 degen qaýlysyna sáıkes QazUÝ-niń jalpy jeri úlesterge bólinip, jer kólemi 72,48 gektar bolyp shyqty. Sonyń ishinde QazUÝ-niń tikeleı úlesin alatyn bolsaq, ol – 71,40 gektar jer, ıaǵnı, oqý ornynyń jalpy jer kólemi 1,8 gektarǵa azaıǵanyn baıqaımyz, – deıdi depýtat.

"Ýnıversıtetke tıesili jer kólemi nege azaıǵan?" degen suraq eshqandaı ýákiletti organ naqty jaýap bermegen. Berik Dúısenbınov atap ótkendeı, jer máselesi tek bul ýnıversıtetpen ǵana shektelip otyrǵan joq.

– Eldiń ár aımaǵynda joǵary oqý oryndary jer telimderiniń jekemenshikke satylyp jatqanyn, stýdent jastar turatyn jataqhanalardyń azaıyp, ýnıversıtet menshigindegi oqý prosesterin qamtamasyz etetin qosymsha jyljymaıtyn múlik obektileriniń saýdaǵa salynyp jatqanynan buqaralyq aqparat quraldarynan jáne barlyǵyn kórip-bilip otyrǵan eldiń aýzynan estip júrmiz. Mysaly, Shyǵys Qazaqstan memlekettik ýnıversıtetiniń bas ǵımaratynan on qadam qashyqtyqta ornalasqan óndiristik sheberhana búginde oıyn-saýyq ornyna aınalǵan, – dedi depýtat.

Atalǵan máselelerdiń mańyzdylyǵyn baıandaǵan "Aq jol" fraksııasynyń depýtattary birinshiden, Qazaq Ulttyq ýnıversıtetine tıesili jer aýmaǵynan jer ýchaskeleriniń bólinip shyǵarylǵany qanshalyqty zańdy ekenin tekserip, zańsyzdyq anyqtalǵan jaǵdaıda tıisti adamdardy jaýapqa tartýdy, ekinshiden, osyndaı tekserýdi oblystarda ornalasqan joǵary oqý oryndarynda da júrgizip, nátıjesin bizge habarlaýdy talap etti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir