19 aqpan kúni Jańatasta bolǵan qaıǵyly oqıǵanyń jaı-japsaryn kórshileri aıtyp berdi. Bul týraly 24.kz habarlady.

Tútinge tunshyqqan búldirshinderdiń tórteýin anasy ishten óz qolymen alyp shyqqany belgili boldy.

Qazirgi ýaqytta oqıǵa ornynda sarapshy mamandar tekseris jumystaryn júrgizýde. Úıdiń kire berisin polısııa qyzmetkerleri kúzetip tur. 

Jaqyn mańdaǵy páterlerdiń turǵyndary qaıǵyly oqıǵa oryn alǵan kúni ne bolǵanyn egjeı-tegjeıli túsindirip berdi. 

– Qutymen sý jáne súlgi berińiz dedi. Men ashtym. Berdim. Biraq aıqaılaǵan joq. Aıqaılasa bárimiz shyǵar edik qoı. Ashsam, myna jerdiń barlyǵy tútin. Shyǵa almaısyń. Sosyn qurbysy kireıin dese, ózi kirip eki balasyn alyp shyqty. Boldy. Basqa eshteńe bilmeımin, – dedi qala turǵyny Altynkúl Jamalbekova.

Tómengi qabatta turatyn kórshileri kesh estidik dep otyr. О́rtti syrtta júrgen adamdar baıqap habar bergen. О́rt sóndirýshiler kelgenshe páterden bes balanyń tórteýin anasy óz qolymen alyp shyqqan. Olardy jedel járdem kelgenshe kórshileriniń kóligimen aýrýhanaǵa alyp ketken. О́kinishke oraı, sábıler aýrýhana jetpeı kóz jumǵan.

– Polǵa deıin tútin. Kirdim de qaıtyp shyǵyp kettim. Jylytý peshin qoımaǵan. Sebebi biz keshe krımınalıstermen kirip kórdik qoı. Jedel járdem keıin keldi, – dep aıtty kórshisi Sadyq Egemberdıev. 

О́rt bolǵan páter balalardyń naǵashy apasynyń úıi ekendigi belgili boldy. Al bul otbasy kópbalaly retinde páter kezeginde tur.

– Birinshi synypqa endi barǵan bala ǵoı. Qalǵandarynyń ortasy bir jastan. Osynda bári tizilip júretin anasynyń artynan. Jas otbasy ǵoı. Olar anasynyń ornyna kóship keldi me, birdeńe qyldy. Buryn áke-sheshesiniń páterinde turǵan, – dep aıtty Jańatas qalasynyń turǵyny Oraz Ismaılov.

Jambyl oblysy ákiminiń orynbasary Ulan Jazylbek qazirgi ýaqytta qaıtys bolǵan búldirshinderdiń otbasyna túrli kómek kórsetilip jatqanyn jetkizdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir