AQSh-tyń Qytaımen ıadrolyq soǵys bolýynyń naqty yqtımaldyǵy bar –AQSh joǵary áskerı qolbasshysy

AQSh-tyń Reseımen nemese Qytaımen ıadrolyq soǵys bastaýynyń "naqty yqtımaldyǵy bar" dep eskertedi AQSh áskerı basshysy. Bul týraly The Times basylymy habarlady.

AQSh-tyń joǵary áskerı qolbasshysy Charlz Rıchard ıadrolyq soǵysty boldyrmaý úshin Amerıka Qurama Shtattary Qytaı men Reseı arasyndaǵy qaıshylyqty báseńdetý kerek ekenin eskertken saraptama jazdy. 

Áskerı qolbasshysy taǵy bir qyrǵı qabaq soǵys qaýpi týraly, tipti naqty Iаdrolyq qaqtyǵys týraly eskertti. Reseımen nemese Qytaımen ıadrolyq soǵys - bul "naqty múmkindik" dep eskertti admıral Charlz Rıchard.

"Iаdrolyq soqqy berý qabileti men zymyranǵa qarsy qorǵanysqa jaýapty AQSh-tyń strategııalyq qolbasshylyǵynyń basshysy alańdaýshylyq týdyrǵan eskertýdi jarııalady" dep habarlady The Times.

Saraptamada derjavalardyń jahandyq beıbitshilikti saqtaý úshin syn saǵattarda turǵany aıtylǵan.

Admıral óziniń taldaýlarynda Pentagonnyń sońǵy onjyldyqtardaǵy terrorızmge qarsy is-qımylǵa basa nazar aýdarýy ıadrolyq qaterdi "elemeýge" ákelip soqtyrǵanyn eskertti.

Gazettiń aqparatyna sáıkes, áskerı qolbasshy bylaı dep jazdy: "Reseımen nemese Qytaımen aımaqtyq daǵdarystyń ıadrolyq qarýmen baılanysty qaqtyǵysqa jalǵasýynyń naqty múmkindigi bar. Rejımge nemese memleketke qaýip tónetin bolsa, soǵystyń tutanýy ábden múmkin."