Toqaev EQQDB prezıdenti Odıl Reno-Bassomen kezdesti

Prezıdent Qasym-Jomart Toqaev eýropalyq qaıta qurý jáne damý bankiniń prezıdenti Odıl Reno-Bassomen kezdesti, dep habarlady Aqorda saıty.

Saıt málimetinshe, onlaın formatta ótken kezdesýde Toqaev Odıl Reno-Bassony eýropalyq qaıta qurý jáne damý bankine prezıdent bolyp saılanýymen quttyqtaǵan.

Prezıdent eýropalyq qaıta qurý jáne damý banki Qazaqstannyń mańyzdy strategııalyq seriktesi dep baǵalap, ekijaqty yntymaqtastyq jyldarynda atalǵan ınstıtýt el ekonomıkasyna 9 mıllıard dollardan astam ınvestısııa salǵanyn atap ótti. Bank Eýropa men Azııanyń naryq reformalaryn jáne kásipkerlik bastamalaryn qoldaýda mańyzdy ról atqardy.

"Toqaev eýropalyq qaıta qurý jáne damý banki el ekonomıkasynyń basym baǵyttaryn aıtarlyqtaı damytýǵa septigin tıgizedi dep sanaıtynyn jetkizdi. Áńgimelesý barysynda iri ınfraqurylymdyq jobalardy qarjylandyrý, atap aıtqanda, avtomobıl joldaryn salý, jańartylǵan energııa kózderin damytý, Qazaqstandaǵy gıdroenergetıka máseleleri talqylandy.

Odıl Reno-Basso COVID‑19 pandemııasynyń ǵalamdyq naryqqa jáne Qazaqstan ekonomıkasyna tıgizetin áseri jaıyndaǵy eýropalyq qaıta qurý jáne damý bankiniń boljamymen jáne baǵdarymen bólisti. Onyń aıtýynsha, bank Qazaqstan úkimetimen tyǵyz yntymaqtastyq ornatýǵa jáne energetıka, ınfraqurylym, ınvestısııa salalary boıynsha jobalardy belsendi damytýǵa daıyn" delingen habarlamada.