Senat júrgizýshi kýáligin alyp júrmeýge múmkindik beretin zań qabyldady

Kólik júrgizýshileri júrgizýshi kýáligi men tehnıkalyq pasportty ózimen birge alyp júrmese de bolatyn kún alys emes. Senatorlar osyǵan qatysty tıisti zań qabyldady.

Soǵan sáıkes polıseıler júrgizýshide qujattardyń bar ekenin derekter bazasy arqyly tekseredi. Ol úshin ózińmen birge jeke kýáligiń bolsa jetkilikti.

Osy norma boıynsha endi atalǵan qujattardy ózimen birge alyp júrmegen jaǵdaıda salynatyn aıyppuldar da joıylady.

– Memleket basshysynyń reformalaryn sapaly zańdarmen qamtamasyz etý – parlamenttiń basty mindeti. Prezıdentimiz atap ótkendeı, qoǵamdy alańdatqan máseleler parlamentte talqylanýy qajet. Parlament ózekti máselelerdiń sheshimin tabatyn ortalyqqa aınalýǵa tıis. Sondyqtan ár zań jobasyn talqylaǵan kezde qoǵamnyń pikirin eskerýimiz kerek, – dedi Máýlen Áshimbaev.

Alaıda myna bir jaıtty eskerý kerek. Eger júrgizýshi sheteldik nomeri bar kólikpen júrse nemese júrgizýshi kýáligin shetelden alsa, joǵaryda atalǵan qujattardy ózimen birge alyp júrýge mindetti. Sebebi, qazaqstandyq polıseıler úshin sheteldik derekter bazasy qoljetimsiz.

Zań qol qoıý úshin memleket basshysyna jiberiledi.

Buǵan deıin prezıdent Ulttyq qoǵamdyq senim keńesi otyrystarynyń birinde kólikti qujatsyz júrgizgeni úshin jaýapkershilikti alyp tastaý týraly tapsyrma bergen edi.