Bekshın almatylyqtardy karantın sharalaryn saqtaýǵa shaqyrdy

Almaty qalasynyń bas sanıtar dárigeri Jandarbek Bekshın KVI boıynsha epıdemıologııalyq jaǵdaı qaýyrt kúıde qalyp otyrǵanyn málimdedi. Bul týraly ol óńirlik kommýnıkasııalar qyzmeti alańynda ótken brıfıngte aıtty. 

Bas sanıtar dárigerdiń aıtýynsha, qaladaǵy epıdemıologııalyq jaǵdaıdy shekteý sharalaryn baqylaýdy kúsheıtý matrısasynda baǵalaý sary aımaqta bolýyn jalǵastyrýda.

– Qalada indettiń ekinshi tolqynynyń damýy qazan aıynda bastaldy, 3 aıda KVI jaǵdaılaryn tirkeý 14 ese ósti. Qańtar aıynyń 7 kúninde KVI-diń 700-den astam jaǵdaıy tirkeldi, qańtar aıyna boljam qolaısyz jáne 4500-ge deıin jaǵdaıdy quraıdy.

Sońǵy 14 kúnde syrqattaný 20-39 jastaǵy azamattar arasynda 35%-dy, 40-59 jas aralyǵynda 33%-dy quraıdy, bul shekteý sharalarynyń buzylýymen jáne korporatıvtik keshterdi ótkizýmen, saýda obektilerine barýmen baılanysty, – dedi ol.

Bekshın turǵyndardy kóp jınalatyn oryndarǵa barýdan bas tartýǵa, vırýstyń taralýyn toqtatý úshin ashyq aýada maska taǵý, araqashyqtyqty qatań saqtaýǵa shaqyrdy.

– Koronavırýs ınfeksııasymen aýyrǵan naýqastarmen jáne jumys orny boıynsha baılanysta bolǵan adamdar úıde qalyp, tegin negizde tekserý úshin telefon arqyly emhanaǵa habarlasýy kerek. Almaty qalasynyń azamattary men qonaqtaryna JRVI belgileri paıda bolǵan kezde dárigerdi úıine shaqyrtýdy, zeınetkerlerge asa qajettiliksiz turǵyn úılerden shyqpaýdy usynamyz, – dedi J. Bekshın.