Foto:"Otandastar qorynyń" baspasóz qyzmet

91 jastaǵy Kamal Qaharmanqyzy Qazaqstan azamattyǵyn aldy. Bul týraly "Otandastar qorynyń" baspasóz qyzmeti habarlady.

Qor málimetinshe, týý týraly kýálik pen pasportta tegi kórsetilýi kerektiginen Kamal Qaharmanqyzynyń qujatyn jasaýda birshama qıyndyq týǵan. "Otandastar qorynyń" járdemimen másele oń sheshimin tapqan.

"Ǵasyrǵa jýyq jasaǵan ájemizdiń alǵysyn alyp, qandastarǵa qol ushyn sozǵan barlyq azamattarǵa alǵysymyzdy bildiremiz" dep habarlady qor qyzmetkerleri.

Kamal Qaharmanqyzy 1929 jyly qazirgi Almaty oblysy Alakól aýdany Jylandy aýylynda týǵan. El ishinde aýmaly-tókpeli zaman ornaǵan kezde 1932 jyly 5 jasynda ata-anasymen Qytaı Halyq Respýblıkasyna qonys aýdarǵan. Ata-anasy Qytaı eliniń Buratala oblysy Arasan aýdanynda turyp, aýyl sharýshylyǵy salasynda qyzmet isteıdi. 1947 jyly Kamal Qaharmanqyzy Tegisbaı Ybyraıymuly esimdi azamatqa turmysqa shyqqan.

Kamal Qaharmanqyzy 4 ul, 5 qyz, olardan 40-tan astam nemere-shóbere kórgen. Taǵdyr jazýymen atajurttan alys ketken ananyń armany – elge oralý bolypty. Qazaq eline alǵash ret joldasy Tegisbaı Ybyraıymulymen 2004 jyly kelgen. 2006 jyly otaǵasy ómirden ótip, elge kelýine qıyndyq týady. Araǵa jyldar salyp otbasymen atamekenine kóship keledi. Bastapqyda qujat jasatý jaǵynan birshama qıyndyqqa ushyraıdy. Aqyrynda "Otandastar qorynyń" aralasýymen armandaǵan azamattyqqa qoly jetti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir