Qazaqstannyń ishki ister mınıstri Erlan Turǵymbaev ózine qol jumsaǵan kýrsant oqyǵan IIM Almaty akademısyna bardy, dep habarlady polisia.kz.

Oqý ornynda kýrsanttyń qaza bolýyna baılanysty keshendi tekserý júrgizilýde. Mınıstrge tekserýdiń aldyn ala nátıjeleri týraly arnaıy toptyń basshysy – IIM kadr saıasaty departamentiniń bastyǵy Aıdar Saıtbekov baıandady. Ol oqý ornynyń tek qana turmystyq jaǵdaıy, materıaldyq-tehnıkalyq jabdyqtalýy ǵana emes, oqytýshylar men kýrsanttar arasyndaǵy moraldyq-psıhologııalyq ahýal da zerttelip jatqanyn atap ótti.

Onyń aıtýynsha, qazirgi ýaqytta júıeli túrde zańsyz aqsha jınaý faktileri rastalmaǵan. Degenmen, kýrsanttar týystarynyń oqý ornyndaǵy yqtımal qysym kórsetýshilik týraly habarlamalary da muqııat zerttelýde.

– Stýdentter arasynda áleýmettik-psıhologııalyq zertteý júrgizý barysynda ózine qol jumsaǵan kýrsanttyń ártúrli syltaýlarmen týystarynan únemi aqsha suraıtyny anyqtaldy. Ol sondaı-aq ózge kýrsanttardan qaryzǵa aqsha alyp, onyń kópshiligin qaıtarmaǵan. Kýrsanttardyń aıtýy boıynsha, kýrsant sońǵy kezde ınternet-kazıno men býkmekerlik keńselerge salymdar salýmen aınalysqan. Kýrsant Salamat О́tegenov týysqandary men tanystarynan túrli somalardy osy maqsatqa alyp otyrdy ma degen boljam bar. Sonymen qatar, qylmystyq isti tergeý aıasynda bolǵan oqıǵanyń barlyq nusqalary tekserilýde, – dep baıandady Aıdar Saıtbekov.

Oqý ornyn aralaý barysynda Erlan Turǵymbaev oqý úderisin uıymdastyrý máselelerimen, sondaı-aq kýrsanttardyń kazarmada turý jaǵdaıymen tanysty. Mınıstr sondaı-aq akademııanyń oqytýshylarymen, kýrsanttarymen jáne kýrsanttardyń ata-analarymen kezdesti. IIM basshysy jaqyn arada jańa basshylyq taǵaıyndalatynyn, onyń basty mindeti – kýrsanttardyń tártip deńgeıi men kásibı daıarlyǵyn arttyrý ekenin atap ótti.

– JOO ákimshilikteri kýrsanttardyń oqý ornynda bolǵan kezeńindegi qaýipsizdigin qamtamasyz etýge mindetti. Tártipti buzýǵa jol bermeı jáne olarmen únemi tárbıe jumysyn júrgizýge tıis. Búgingi tańda ishki ister organdary joǵary bilimdi jáne kásibı kadrlardy qajet etedi. Qazaqstan polısııasynyń bolashaǵy oqý oryndarynyń qabyrǵasynda alatyn bilim men moraldyq-psıhologııalyq daıyndyqqa baılanysty ekenin este saqtaý qajet, – dedi Erlan Turǵymbaev.

Vedomstvo basshysy bul qaıǵyly oqıǵa tárbıe jumysyndaǵy problemalardy kórsetkenin aıtty.

– Biz bolashaq polıseılerdi daıyndaý baǵdarlamasyna ózgerister engizýimiz kerek. Únemi psıhologııalyq monıtorıng júrgizý qajet, – dep atap ótti mınıstr.

Erlan Turǵymbaev tergeý barysyn jeke baqylaýyna alyp, nátıjesi týraly turaqty baıandaýdy tapsyrdy.

Eske salsaq, IIM buıryǵymen ózine senip tapsyrylǵan bólinistegi uıymdastyrý jumystaryna tıisti qadaǵalaýdyń bolmaýyna baılanysty skademııa bastyǵy O.H. Smaılov atqaryp otyrǵan laýazymynan bosatyldy. Sonymen qatar, akademııanyń taǵy 16 jaýapty qyzmetkeri qatań tártiptik jaýapkershilikke tartyldy, olardyń beseýi de laýazymdarynan bosatyldy.


"Qamshy" silteıdi
Ilmek sózder: kýrsant ólimi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir