22 Jeltoqsan, 2020 Barlyq aımaqtar
Qazaqstandyq oqýshylar halyqaralyq jarysta top jardy
Atap aıtqanda, 11-synyp oqýshylary Aqbota Jubatqan matematıka páninen I oryndy ıelense, Aıdanýr Demırdjı tarıh páninen III oryn aldy.
Foto: Fotokollaj
"Brazılııanyń Novo-Gambýrg qalasynda "MOSTRATEC" atty 35-shi Halyqaralyq bilim kórmesiniń aıasynda ótken ǵylymı jobada atyraýlyq oqýshylar júldeli orynǵa ıe boldy" dep habarlady Atyraý oblystyq bilim berý basqarmasynyń baspasóz qyzmeti.
Ideıalar men tereń zertteý jumystarynyń basyn qosqan dodaǵa 35 eldiń 752 úmitkeri qatysty. Olardyń qatarynda Qazaqstan mektepterinen 25 oqýshy bar. Sonyń ishinde Atyraý oblysy daryndy balalarǵa arnalǵan mamandandyrylǵan mektep-lıseı-ınternatynyń eki oqýshysy top jaryp, jeńimpazdar qatarynan kórindi.
Atap aıtqanda, 11-synyp oqýshylary Aqbota Jubatqan matematıka páninen I oryndy ıelense, Aıdanýr Demırdjı tarıh páninen III oryn aldy.
Aqbota Jubatqannyń aıtýynsha, olar óz jobalaryn aǵylshyn tilinde qorǵaǵan.
– Jazdyń aıaqtalýyna on shaqty kún qalǵan kezde meniń synyp jetekshim “Mostratec” atty halyqaralyq ǵylymı jobalar jarysy bolatynyn habarlaǵan bolatyn. Mine, sol kúnnen bastap men daıyndala bastadym. Pandemııaǵa baılanysty qashyqtan ótkizilgenine qaramastan saıys óte qyzyqty jáne tájirıbege toly boldy. Baıqaý «Jitsi meet» atty vıdeo konferensııalarǵa arnalǵan mobıldi qosymshanyń kómegimen ótti. Men úshin bul doda umytylmastaı boldy, kóp tájirıbe aldym, – deıdi ol.
Jeńimpazdardy jobaǵa qyzdar lıseıiniń beıindi oqý isiniń meńgerýshisi Oksıýz Rahman men Atyraý ýnıversıtetiniń muǵalimi, matematıka pániniń kandıtaty Aqqabyl Abırov daıyndaǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir