Bekbolat Tileýhan: Kúnimiz ánshi men boksshyǵa qarap qalǵan joq

YouTube jelisinde Ádil Orynbasarulynyń  "Er qanaty – at" jańa baǵdarlamasy jarııalandy. Jýrnalıst habardyń alǵashqy qonaǵy – parlament májilisiniń depýtaty Bekbolat Tileýhanmen ulttyq kod, ulttyq sport sııaqty taqyryptar aıasynda suhbattasqan. 

Ádil Orynbasaruly Bekbolat Tileýhannan "Uly Otan soǵysy kezindegi Baýyrjan Momyshulynyń batyrlyǵy bárimizge málim. Sondaı batyrlyqty jastardyń boıynan qalaı oıatsaq bolady?" dep surady. Sonda B.Tileýhan Baýyrjan Momyshulynyń soǵysqa deıin qarapaıym esepshi ne fınansıst bolǵanyn, el basyna kún týǵan zamanda batyrlar shyǵatynyn aıtty.

– Ár zamannyń ózine tán ereksheligi bolady. El basyna kún týǵan zamanda batyrlar shyǵady. Ǵylymǵa muqtaj kezde jaqsy ǵalymdar shyǵady. Qazir halyq saýyq-saıranǵa qyzyǵyp ketkende tamada men ánshi kóbeıip ketti. Ekiniń biri ánshi bolyp barady. О́ıtkeni zaman sony talap etip otyr. Biraq neniń qajet, neniń qajet emes ekenin bilip alýymyz kerek. Bizdiń kúnimiz ánshi men boksshyǵa qarap qalǵan joq. Olar da bolsyn, desek te bizge jaqsy fızık, jaqsy hımık, jaqsy dáriger kerek. Qarap otyryńdar, biz keıin mal dárigerine zar bolamyz. Elbasynyń aıtqandaryna mán bermeı jatyrmyz. Halyqtyń damýy úshin ne isteýge bolady deısiń. Eldiń bári jýrnalıstıkany, ssenarıı jazýdy úıretetin mamandyqtardy oqıdy. Jaqsy, ol da kerek. Degenmen, odan da mańyzdy nárse bar.  Balalardy halyqqa paıdaly mamandyqqa oqytý kerek.  Qazba baılyǵy mol elmiz. Al sony zertteıtin jaqsy geologtar joqtyń qasy. Qazirgi zertteýshilerdiń kóbi 60-tan asyp ketken. 15-20 jyldan keıin olardyń ornyn kim basady? Syrttan kisi shaqyra bastaımyz. Kúniń bireýge qarap qalsa, sen el bolmaısyń, – dep jaýap berdi Bekbolat Tileýhan.