Qazaqstandaǵy IýNISEF málimeti boıynsha balalardyń 66% -y mekteptegi zorlyq-zombylyq pen kemsitýge tap bolsa, 44% -y mekteptegi zorlyq-zombylyqtyń qurbany bolady, dep habarlaıdy QazAqparat tilshisi.

«Aınalaıyn SOS» jobasynda býllıng máselesi sýretter arqyly sıpattaldy

IýNISEF-tiń Qazaqstandaǵy zertteýleri kórsetkendeı, mektepte qorlaý jáne bopsalaý elementteri bar zorlyq-zombylyq kórgen balalarda sýısıd jasaý qaýpi joǵary.

«Muǵalim balaǵa psıhologııalyq qysym kórsetip, synyptaǵy barlyq oqýshynyń kózinshe onyń kóńiline keletin sóz aıtyp, tipti tárbıeleýdiń bir bólshegi retinde oqýshyny kemsitetin sózder aıtýy múmkin. mundaı qarym-qatynas oqýshynyń psıhologııalyq jaǵdaıyna keri áserin tıgizedi. Muǵalim mundaı áreketi arqly ózi agressor bolyp qana qoımaı, synyptaǵy oqýshylarǵa ózderin osylaı ustaýǵa ruqsat bergendeı bolady. Osylaısha muǵalimnen jábir kórgen oqýshy synybyndaǵy basqa oqýshylardan da osylaı jábir kóre bastaıdy», - deıdi býllıngke qarsy «Street Law Kazakhstan» baǵdarlamasynyń koordınatory Halıda Ájiǵulova.

«Aınalaıyn SOS» jobasy

Kemsitýdiń saldary ártúrli bolýy múmkin. Mysaly, oqýshy ózin kemsitkendikten únemi kúızeliste júrip, sabaq oqı almaı qalýy múmkin. ózin durys dárejede baǵalamaı, qorshaǵan ortasymen qarym-qatynas jasaý qıynǵa soǵady. Tipti, munyń sońy psıhoterapııalyq emdi qajet etýge ákelýi múmkin. Kúsh kórsetý, keleke etýdiń qurbandary sýısıd jasaý týraly basqa oqýshylarǵa qaraǵanda 5 ese kóp oılaıdy.

«Aınalaıyn SOS» jobasynda býllıng máselesi sýretter arqyly sıpattaldy.

«Biz fotojobaǵa qatysýǵa kelisim berip, mektepterde balalardy kemsitý qalaı júzege asatyny týraly aıtyp bergen balalarǵa alǵys aıtamyz. Olardyń keıbiri býllıngge qatysty bastarynan ótkizgen jaǵdaılardy aıtty, al biz ony plakatqa sýret salý arqyly jetkizýge tyrystyq. Bul plakattar oqýshylar tarapynan kemsitýge tap bolǵan balalarǵa bul týraly oıyn ashyq aıtýǵa kómektesedi dep oılaımyz. Keleke etý, kemsitý – janǵa jazylmas jara salyp ketedi. Bizdiń balalarymyz býllıngke tap bolmaýy kerek, olar bar jaqsylyq ataýlyǵa laıyqty», - deıdi Peremena.media basylymynyń bas redaktory Aıjan Madıhodjaeva.

«Aınalaıyn SOS» jobasy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir