Semeı kásipkerleri narazylyq aksııasyna shyqty

Semeı qalasy kásipkerleri karantındik shekteý sharalaryn jeńildetý talabymen alańǵa jınaldy. Shaǵyn jáne orta bıznestiń 50-den astam ókili qala ákimi Ermak Sálimovpen kezdesip, narazylyq bildirdi.

Kezdesý barysynda indettiń oblys aýmaǵynda taralý qarqyny artyp, Shyǵys Qazaqstan «Qyzyl aımaqqa» engizilgen tusta, qandaıda bir bosańsýlar men jeńildikter týraly sóz aıtý orynsyz ekeni aıtyldy. 

Ekinshi tolqyn kezinde naýryz-maýsym aılaryndaǵydaı qatań sharalar qabyldanbady. Degenmen, kásipkerler sonyń ózinde karantın sharalaryn buzatyn áreketterge jol berip otyr. Sońǵy mysal – Semeı meıramhanalarynyń birinde uıymdastyrylǵan úılený toıy. Onda tanymal sportshylar, óner adamdary, bıznesmender men shoýmender jınalǵan. Bir qyzyǵy, ruqsat etilmegen saltanatty merekege qatysqandardyń arasynda koronavırýspen aýyryp shyqqandar bar. 

Qazirgi kezde orta jáne kishi kásip oryndaryna karantın normalaryn saqtaı otyra jumys isteýine ruqsat.