Qarabaqtaǵy qaqtyǵys: Pashınıan Erevannan qashýǵa tyrysyp jatyr (vıdeo)

Armenııa astanasy Erevanda 11 qarashada Armenııanyń 17 oppozısııalyq partııasy Qarabaqtaǵy qaqtyǵysty toqtatý týraly kelisimge qol qoıǵan premer-mınıstr Nıkol Pashınıanǵa qarsy mıtıng ótkizýdi josparlap jatyr. Osy jaǵdaıǵa baılanysty Nıkol Pashınıan Erevannan qashyp ketýge áreket jasaǵan. Day.Az saıty habarlaǵandaı, áleýmettik jelilerde  armıan áskerleriniń analary onyń elden qashyp ketýine jol bermeýge tyrysyp jatqan vıdeosy tarady.

Buǵan deıin Armenııa premer-mınıstri Nıkol Pashınıan, Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıǵan edi. Armenııadaǵy oppozısııa ókilderi bul kelisimdi "bizdiń tarıhtaǵy eń uıatty paraq"  dep ataǵan.

"Maıdanda jer men memlekettilikti qanymen qorǵaǵan jaýyngerdiń jáne bizdiń artymyzdan ultqa qarsy kelisimge qol qoıyldy. Qazirgi jaǵdaıda bizdiń birligimiz óte qajet. Erteń, 11 qarasha, saǵat 13.00-de (Astana ýaqytymen 15.00 – red.) biz jınalys ótkizemiz. Bostandyq alańynda biz sizge qazirgi jaǵdaı týraly aıtyp beremiz" delingen Dashnaksýtıýn partııasynyń saıtyndaǵy habarlamady.

Oqı otyryńyz:

♦ "Pashınıan – satqyn". Armenııada mıtıng ótti (vıdeo)