Jańa qaýly: Qazaqstannyń birneshe oblysynda karantın kúsheıtildi

Pavlodar, Petropavl oblystary men Balqash qalasynda karantın rejımi kúsheıtildi. Bul týraly óńirlerdiń bas sanıtar dárigeri málimdedi.

Pavlodar oblysynyń bas memlekettik sanıtar dárigeri Batyrbek Álıev qaýlysy boıynsha qalaǵa kirip-shyǵý shekteledi.

Baqylaý-ótkizý pýnkteri arqyly qozǵalý úshin pvlinfo.kz saıtyna tirkelý qajet. 9-13 qarasha aralyǵynda jumys berýshiniń mórimen kýálandyrylǵan, erkin nysandaǵy anyqtamasy bolǵan jaǵdaıda qalaǵa kirip-shyǵa alady.

Qaýlynyń tolyq nusqasy myna jerde.

Soltústik Qazaqstan oblysynyń bas memlekettik sanıtar dárigeriniń orynbasary T. Gorlova qaýlysymen 9 qarashada saǵat 00:00-den bastap, Petropavl oblysynyń Qyzyljar aýdanyna qatysty karantın sharalary kúsheıtiledi.

Qaýlyǵa sáıkes:

1) kórshilerdiń, tanystardyń, týystardyń, áriptesterdiń saparlaryn
shektelýge tıis;
2) turatyn jeri boıynsha otbasylyq is-sharalardy ótkizýge tyıym
salynady;
3) qoǵamdyq oryndarda 3 adamnan (otbasy múshelerin qospaǵanda)
keminde 2 metr qashyqtyqtaǵy toptardyń bolýy shekteledi;
4) jerleý rásimderi kezinde keminde 2 metr qashyqtyqty saqtaı
otyryp, 30-dan astam adamnyń (negizinen otbasy músheleriniń) jınalýyna
jol berilmeıdi;
5) respıratorlyq ınfeksııanyń alǵashqy belgileri paıda bolǵan kezde
(qurǵaq jótel, qyzba, tynys alýdyń qıyndaýy, entigý jáne t. b.) jedel
medısınalyq kómekti 103 nómiri boıynsha shaqyrý arqyly medısınalyq
uıymdarǵa barmaı-aq, úıde dereý medısınalyq kómekke júginý qajet;
6) Qazaqstan Respýblıkasy Bas memlekettik sanıtarııalyq dárigeriniń
2020 jylǵy 23 qazandaǵy № 57-AÁKD qaýlysynyń 4-qosymshasyna sáıkes
«Qazaqstan Respýblıkasynyń halqy arasynda koronavırýstyq ınfeksııamen
aýrýlardyń aldyn alý jónindegi sharalardy odan ári kúsheıtý týraly» jeke
qorǵaný quraldaryn paıdalaný jáne kádege jaratý algorıtmin saqtaýǵa,
onyń ishinde:
A) qoǵamdyq oryndarda, halyqtyń kelýine, qyzmet kórsetýine jáne
demalýyna arnalǵan úı-jaılarda, qoǵamdyq kólikte, medısınalyq nemese
mata betperdelerin kııý, bes jasqa deıingi balalardy, sondaı-aq áleýmettik
qashyqtyqty saqtaı otyryp, qoǵamdyq tamaqtaný oryndarynda tamaq ishý
jaǵdaılaryn qospaǵanda, mindetti bolyp tabylady;
B) qoǵamdyq oryndarda ashyq aýada medısınalyq nemese mata
betperdelerin kııý, bes jasqa deıingi balalardy jáne eki metrden kem emes
áleýmettik qashyqtyqty saqtaý kezinde 5 adamnan aspaıtyn jeke, toptyq
sportpen shuǵyldanatyn adamdardy qospaǵanda, mindetti bolyp tabylady.
7) 65 jastan asqan adamdarǵa, sondaı-aq barlyq turǵyndarǵa saǵat
22.00-den 06.00-ge deıin, dári-dármekter men medısınalyq maqsattaǵy
buıymdardy satyp alý jaǵdaılaryn qospaǵanda, asa qajet bolmasa,
turǵylyqty jerinen ketpeýge keńes beriledi. 

Balqash qalasynyń bas sanıtar dárigeri L.K.Batanaeva 23 qazandaǵy №24 "Balqash qalasynda shekteý sharalaryn kúsheıtý týraly" qaýlysynyń kúshi joıylǵanyn habarlady.

"Odan ári Qaraǵandy oblysynyń bas sanıtar dárigeriniń qaýlysyna sáıkes Balqash qalasynyń aýmaǵynda koronavırýs ınfeksııasynyń taralaýyn aldyn alý jáne boldyrmaý sharalary boıynsha shara qabyldanady" delingen qaýlyda.