Aıda Balaeva jańa telearnanyń ashylýymen quttyqtady

Aqparat jáne qoǵamdyq damý mınıstri Aıda Balaeva Bas múftı Naýryzbaı qajy Taǵanuly men "Halyq arna" telearnasynyń ujymyn Dinı basqarmanyń tól arnasynyń ashylýymen quttyqtady. Bul týraly muftyat.kz habarlady. 

Mınıstr Qazaqstan halqyn, sonyń ishinde óskeleń urpaqty otansúıgishtikke, izgilik pen adamgershilikke tárbıeleýde telearnanyń mańyzy óte zor ekenin atap ótti. Sondaı-aq teris dinı aǵymdardyń arbaýynan qorǵaý maqsatynda telearna qomaqty úles qosyp, dinı-rýhanı saladaǵy jetekshi arnalardyń biri bolatynyna senim bildirdi.

– Telarnada dástúrli dinmen qatar, mádenı tanymdyq baǵyttaǵy kórsetilimderge oryn berilgeni qalyń jurtshylyqty qýantady. Sebebi tarıhtan tálim alǵan jastarymyz ata-babalar ustanǵan dindi, san ǵasyrdan beri sabaqtasyp kele jatqan salt-dástúrlerin ardaqtap, erekshe qurmetteıtin bolady. Osy rette telearnanyń ujymyna shyǵarmashylyq tabystar tileımin. "Halyq arna" jaqsylyqtyń jarshysyna aınalsyn, – dep jazdy mınıstr.