23 Tamyz, 2020 NEWS

NATO: Lýkashenkonyń biz týraly pikirleri negizsiz

Getty

Buǵan deıin Belarýs prezıdenti Aleksandr Lýkashenko qarýly kúshterin "joǵary daıyndyqqa" keltirgenin aıtqan. Degenmen, NATO "Lýkashenkonyń sheteldik derjavalar eldiń shekarasynda áskerler jınaýdy uıymdastyryp jatyr degen pikirleri negizsiz" dep málimdedi.

Senbide Mınsk kóshelerinde narazylyq taǵy jalǵasty.

Demonstranttar Lýkashenkonyń otstavkaǵa ketýin talap etýde.

Belarýssııany 26 jyl basqarǵan basshy "NATO blogy Belarýssııany bólip, Mınskige jańa prezıdentti ornatqysy keledi" dep málimdegen.

Lýkashenko óziniń qaýipsizdik basshylaryna Belarýs eliniń "aýmaqtyq tutastyǵyn qorǵaý úshin qatań sharalardy qabyldaýǵa" buıryq bergen.

Al, NATO "Belarýssııaǵa nemese basqa elge eshqandaı qaýip joq jáne aımaqta áskerı kúshterimiz joq" dep jarııalady.

Lıtva prezıdenti Gıtanas Naýseda "Rejım kez-kelgen jaǵdaıda nazardy basqa jaqqa burýǵa tyrysady" dep Frans Press agenttigine suhbat berdi.

Polshanyń prezıdenttik ókili Polshanyń "shekarany buzýy týraly aqparatttar Belarýs rejıminiń propagandasy" dep málimdedi. Lýkashenkonyń málimdemesin " qaıǵyly jáne tańqalarlyq" dep atady. "Polshada mundaı nıet joq....", - dep qosty Polsha ókili.

Ilmek sózder: Belarýs NATO

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir