15 Tamyz, 2020 NEWS

"Meni qorqytqanyńyz úshin 10 mln teńge tóleımin be?" Ánshi Kentalǵa aıyppul salyndy

Foto: Fotokollaj

Ánshi Talǵat Kenjebolatovqa (Kental) tórt jyl buryn túsirilgen vıdeo úshin 10 mıllıon teńge kóleminde aıyppul salyndy. Bul týraly ánshiniń ózi áleýmettik jelide habarlady.

Kentaldyń aıtýy boıynsha, tórt jyl buryn túsirilgen vıdeo úshin ústinen is qozǵalyp, tórt sot otyrysy ótken. Sot tóraǵasy D.M.Alybaev ákimshilik quqyq buzýshylyqtyń 675-baby ("Aıyrym belgileri jáne (nemese) nyshany bar áskerı kıim nysanyn, sondaı-aq nysandy kıim men arnaýly kıim-keshekti zańsyz kıip júrý (paıdalaný)") boıynsha 5 AEK (13 889 teńge) kóleminde aıyppul salǵan.

– Bul aıyppul eshteńe emes. Almaty qalalyq krımınaldyq polısııa basqarmasynyń basshysy Erkin Ińkárov myrzadan hat keldi. Menen 10 mıllıon teńge talap etip otyr. Sondaı-aq meniń resmı túrde keshirim suraýymdy jazǵan. Qurmetti Erkin Ińkárov, men sizden ne úshin keshirim suraýym kerek?! Ne úshin sizge 10 mıllıon teńgeni tóleýim kerek?! Meniń konstıtýsııalyq quqyǵymnyń taptalǵany men óz atyma aıtylǵan balaǵat sózder úshin be? Sizdiń meni qorqytyp-úrkitkenińiz úshin be? Ne úshin?!, – dedi ánshi jelidegi vıdeosynda.

"Men koronavırýsqa qatysty birnárse aıttym ba, álde polısııa qyzmetkerlerine til tıgizdim be? Naqty dálelderi de joq. Ana jerde basqa sóz, myna jerde basqa aqparat.

Sizder, krımınalıster, óz jumystaryńyzben, men óz ónerimmen aınalysaıyn. Sizderdiń mindetterińiz – eldi qorǵaý, tynyshtyqty saqtaý, al bizdiki – kórshi elderdiń mádenıetimen básekelestik jasaý. Meniń áleýmettik jelide aıtqan ár sózimdi ańdyp otyramyz degenderińiz – masqara! Bul meniń jeke paraqsham!" delingen jazbada.

Ánshi Talǵat ózin qoldaǵan barlyq adamǵa alǵysyn aıtyp, ádildik ornaıtynyna senetinin jetkizdi. 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir