Qurban aıt merekesiniń qarsańynda almatylyqtardan onlaın túrde qurban shalýǵa 55 ótinish túsken. Bul týraly óńirlik kommýnıkasııalar qyzmetiniń alańyndaǵy brıfıng barysynda qaladaǵy qatań shekteý sharalary aıasynda Qurban aıtty merekeleý tártibi týraly Almaty qalasynyń Ortalyq meshitiniń Bas ımamy Erkinbek Shoqaı aıtty.

Erkinbek Shoqaıdyń aıtýynsha, Qazaqstan Musylmandar dinı basqarmasy karantındik shekteý sharalaryn eskere otyryp jáne halyqtyń densaýlyǵyn saqtaý maqsatynda Qurban aıt merekesiniń qarsańynda onlaın rejımde jumys isteıtin «QURBAN-2020» qaıyrymdylyq aksııasyn uıymdastyrýǵa kiristi.

«Jobany júzege asyrý úshin «QURBAN-2020» arnaıy saıty iske qosylǵan, sonymen birge, onlaın túrde qurbandyq shalýdyń algorıtmi men prosedýrasy jasaldy», - dedi Erkinbek Shoqaı.

Aksııa aıasynda qurban shalynyp, muqtajdarǵa et taratylady. Ol úshin saıtqa kirip, qajetti málimetterdi toltyryp, qurbandyqqa shalynatyn maldy tańdap, tólemin jasaý kerek. Qurbandyq shalýdyń fotosy men vıdeosy bar esep tapsyrys berýshiniń nomerine Whatsaap messendjeri arqyly jiberiledi. Et qaıyrymdylyq retinle tutastaı taratylady.

Búgingi tańda iri jáne usaq maldy qurbandyqqa shalýǵa 55 ótinish kelip túsken. Mereke jaqyndaǵan saıyn qurban shalýǵa ótinish bildirýshiler sany kóbeıe túsedi dep kútilýde.

Sonymen birge, saıtta qurbandyqqa shalynǵan etti alýǵa ótinish berýge bolady. Sonymen birge, Erkinbek Shoqaı atap ótkendeı, ákimdik janynda ótinish bergenine qaramastan, kómek kórsetiletin muqtaj adamdar tizimi bar.

Qurbandyq shalý rásimin júrgizýge ótinish berý jáne muqtaj, az qamtylǵan qala turǵyndarynyń et alýǵa ótinish qaldyrýy saıt arqyly 24 shildeden 30 shildege deıin júrgiziledi. Bul jobany júzege asyrý úshin Almatyda arnaıy shtab jumys isteıdi.

Qosymsha aqparat alý úshin baılanys nómiri:

+7 (7172) 33 30 30

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir