Dw.com
Koronavırýsqa baılanysty álem elderiniń statıstıkasyn jarııalap otyratyn worldometers.info saıtynyń 23 shildedegi dereginshe, dúnıejúzinde COVID-19 juqtyrǵandar sany 15,4 mıllıonǵa jýyqtaǵan. Indetten kóz jumǵandar sany 630 myńnyń ústinde.
AQSh ólim boıynsha da, juqtyrǵandar sany jóninen de dúnıejúzinde áli alda tur. Elde 4,1 mıllıonnan astam adamnan koronavırýs tabylǵan. О́lgender sany 146 myńnyń ústinde. Dúnıejúzinde vırýs juqtyrǵandardyń úshten birge jýyǵy AQSh úlesinde.
AQSh-tan keıingi orynda turǵan Brazılııada da indet órship tur. Sońǵy aqparat boıynsha, el halqynyń bir paıyzdan astamyna (2 231 871) koronavırýs juqqan. Osy ýaqytqa deıin olardyń 82 890-y kóz jumǵan.
Juqtyrǵandar sany jóninen 7-orynda turǵan Meksıkada ólim kóbeıip barady. Sońǵy táýlikte elde 790 adam koronavırýstan kóz jumyp, ólgenderdiń jalpy sany 41 myńnan asty. Bul – dúnıejúzi boıynsha tórtinshi kórsetkish.
Sońǵy kúnderi Fılıpınde de koronavırýs órship tur. Elde vırýs juqtyrǵandar 72 myńnan asty. Bul el juqtyrǵan sany jóninen alǵashqy 30 eldiń qatarynda.
Koronavırýs oshaǵy retinde sanalǵan Qytaıda ótken táýlikte 22 adamnan COVID-19 tabyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir