COVID-19 taralýyn boldyrmaý úshin Almatyda 5 shildeden bastap qatań shekteý sharalaryn engiziledi

Almaty ákimi óziniń Facebook paraqshasynda shekteý sharalarynyń qalada sanıtarlyq-epıdemıologııalyq jaǵdaıdy turaqtandyrý úshin engizilgenin jazdy.

Birqatar uıymdardyń jáne saýda, qyzmet kórsetý nysandarynyń jumystary eki aptaǵa toqtatylady. Onyń tizimimen resmı saıtta jarııalanǵan qalanyń memlekettik bas sanıtarlyq dárigeriniń qaýlysynan oqýǵa bolady. Jumys jasaýǵa ruqsat etilgenderdiń sanıtarlyq normalardy saqtaýlary qatań baqylaýǵa alynady.

«Búgin biz densaýlyq saqtaý júıesiniń materıaldyq tehnıkalyq bazasyn kúsheıtýdi jalǵastyrýdamyz. Provızorlyq jáne qarantındik ortalyqtardy keńeıtýdemiz, medık mamandardy daıyndaýdamyz. Aıtyp ótkenimdeı, bizdiń dárigerlerge óte úlken salmaq túsýde. COVID-19-ben aýyrǵan naýqastar sany artýda. Sondyqtan árbir Almatylyqtyń qarym-qatynasty, baılanysty barynsha shekteý óte mańyzdy. О́zin-ózi oqshaýlaý men sanıtarlyq normalardy qatań saqtaý – ómir súrýdiń basty erejesine aınalýda», — dep atap ótti B. Saǵyntaev.

Ol óziniń sózinde eki aptalyq shekteýden soń olardyń jumystaryn uzartý nemese toqtaý týraly sheshim qabyldanady. «Osynaý ýaqytsha qıyndyqty jeńý úshin sanalylyq pen jaýapkershilik tanytatynymyzǵa senemin», — dep qorytyndylady Almaty ákimi.

Memleket basshysy belgilegen mindetterdi, jáne epıdemıologııalyq jaǵdaıdy turaqtandyrý boıynsha Memlekettik komıssııanyń sheshimin oryndaý maqsatynda qalalyq Komıssııanyń otyrysynyń qorytyndysy boıynsha Almaty qalasynyń Bas memlekettik sanıtar dárigeriniń qaýlysymen Almaty qalasynyń aýmaǵynda 5 shilde 00.00-den 2020 jylǵy 20 shilde 00.00-ge deıin qatań shekteý sharalary engizildi.

Qala turǵyndaryna epıdemıologııalyq tártipti qatań saqtaý qajet:
- 65 jastan asqan adamdardyń qozǵalysyna shekteýler engiziledi;
- adamdardy shaqyrýmen jáne shoǵyrlandyrýmen baılanysty kez kelgen is-sharalardy ótkizýge tyıym salynady (týǵan kúnder, mereıtoılar, toılar, astar jáne t. b.);
- jumys jáne qoǵamdyq oryndarda (saýda obektileri, kósheler, saıabaqtar, áýejaı jáne t. b.), qoǵamdyq kólikte maska taǵý rejimin jáne áleýmettik qashyqtyqty saqtaý.

Áleýmettik qashyqtyqty saqtaı otyryp, 3 adamnan aspaıtyn toptarmen nemese bir otbasy múshelerimen oıyn-saýyq obektilerinsiz saıabaqtarǵa, alańdar men skverlerge, jaǵalaýlarǵa jáne halyqtyń basqa da demalys oryndaryna barýlaryna bolady. Sondaı-aq ashyq aýadaǵy jeke jattyǵýlarǵa ruqsat.

Profılaktıkalyq maqsatta kóppáterli úılerdiń podezderi men aýla aýmaqtaryna dezınfeksııalyq sharalar aptasyna 2 ret júrgiziledi, sonymen birge, kósheler men kópshilik oryndarǵa, kóppáterli úılerdiń oshaq anyqtalǵan podezderine dezınfeksııa jasalady.

Covid-19 koronavırýstyq ınfeksııanyń taralýynyń aldyn alý maqsatynda kórsetilgen kezeńde juqtyrý qaýpi joǵary kelesi obektilerdiń qyzmetine tyıym salynady:

- saýda oıyn-saýyq ortalyqtarynyń, saýda úıleriniń, saýda jelileriniń, olarda ornalasqan azyq-túlik sýpermarketterin, dárihanalardy jáne jazǵy terrassalary men jeke kiretin esigi bar stasıonarlyq tamaqtaný obektilerin qospaǵanda;
- oıyn-saýyq mekemeleriniń (karaoke, kalıan, bılıard, kompıýterlik klýbtar, býkmekerlik keńseler, túngi klýbtar, boýlıng-ortalyqtary, attraksıondar, balalardyń oıyn alańdary, batýttar jáne basqalar), kınoteatrlar qyzmetine tyıym salý;
- jabyq azyq-túlik, sondaı-aq azyq-túlik emes bazarlar;
- jetkizý qyzmetin qospaǵanda, 500 m²-tan asatyn azyq-túlik emes dúkenderdiń qyzmetine tyıym salý;
- balalardyń saýyqtyrý lagerleri, bilim beri ortalyqtaryna, balalardyń túzetý kabınetterine, mektepke deıingi balalar mekemeleri (kezekshi toptardan basqa), balalardyń bos ýaqytyn ótkizetin oryndar men qosymsha bilim berý oryndaryna tyıym salý;
- mádenıet nysandary, murajaılar, teatrlar, kórmeler jáne adamdar kóp jınalatyn basqa da nysandar;
- dinı nysandar (meshitter, shirkeýler, soborlar, sınagogalar jáne basqalary.);
- ulttyq olımpııada komıteti akredıttegen sport bazarlaryn qospaǵanda barlyq sport obektilerine (sport alańdary, keshender, úıirmeler, seksııalar basseınder jáne t.b.);
- SPA-ortalyqtardyń, jattyǵý zaldarynyń, fıtnes-ortalyqtardyń, sporttyq-saýyqtyrý ortalyqtarynyń, basseınderdiń, qalalyq, qoǵamdyq jaǵajaılardyń, akvaparkterdiń, qoǵamdyq monshalardyń, saýnalardyń, sulýlyq salondarynyń, shashtarazdardyń, kosmetıkalyq jáne kosmetologııalyq qyzmet kórsetetin ortalyqtar men salondardyń, manıkıýr men pedıkıýr qyzmetterin kórsetetin massaj kabınetteriniń qyzmetine.

Sondaı-aq, 3 adamnan aspaıtyn jeke nemese bir otbasy múshelerin qospaǵanda, tabıǵatqa ekskýrsııalyq, korporatıvtik, toptyq shyǵýlardy, jınalys, keńes, konferensııa, forým, semınarlar, sezder, kórmeler, trenıngter, oqytý kýrstaryn jáne adam kóp shoǵyrlandyratyn basqa da is-sharalardy, sonymen qosa otbasylyq, estelik úshin jasalatyn is-sharalar úıde de ashyq alańda da (banket, toı, mereıtoı, as, qudaıy tamaq jáne t.b) ótkizýge tyıym salý.

Qyzmetine ruqsat etilgen mekemeler:
- medısınalyq ortalyqtar (aldyn ala jazylý arqyly) kúsheıtilgen sanıtarlyq-dezınfeksııalyq rejımdi jáne aımaqqa bólý talaptaryn saqtaı otyryp;
- dárihanalar, azyq-túlik dúkenderi (shaǵyn marketter, sýpermarketter, gıpermarketter), (ǵımarattardan tys) azyq-túlik jáne azyq-túlik emes bazarlar, kúsheıtilgen sanıtarııalyq-dezınfeksııalyq rejımdi saqtaı otyryp;
- ashyq aspan astyndaǵy qoǵamdyq tamaqtaný oryndaryna jáne ǵımarat ishinde zalda otyratyn oryndary 30-dan aspaǵan jaǵdaıda, ujymdyq sharalardy ótkizýsiz kúsheıtilgen sanıtarlyq-dezınfeksııalyq rejımdi saqtaǵan jaǵdaıda. Tapsyrysty syrtqa alyp shyǵý jáne jetkizip berý qyzmetine ruqsat etiledi.
- úzdiksiz óndiristik sıkli bar ónerkásiptik kásiporyndardyń jáne ashyq aýada qurylys jumystarynyń qyzmeti kúsheıtilgen sanıtarııalyq-dezınfeksııalyq rejımdi saqtaı otyryp.

Memlekettik organdardyń (uıymdardyń, kásiporyndardyń), kvazımemlekettik sektor organdarynyń, ulttyq kompanııalardyń, ózge de uıymdardyń, sondaı-aq kásipkerlik sýbektileriniń basshylary keminde 80% qyzmetkerlerdi qashyqtqtan jumys ictey nysanyna aýystyrýdy (shtat kestesi 30-dan astam qyzmetker bolǵanda) qamtamasyz etýleri qajet.

Menshik nysanyna qaramastan uıymdardyń, kásiporyndardyń basshylary barlyq obektilerde kúsheıtilgen dezınfeksııalyq rejımdi jáne qyzmetkerler men kelýshilerdiń sanıtarlyq-karantındik jáne shekteý sharalarynyń talaptaryn saqtaýyn qamtamasyz etýi qajet.

Birqatar nysandardyń jumys formaty men kestesine shekteýler engiziledi, olardyń arasynda:
- Halyqqa qyzmet kórsetý ortalyqtary saǵat 09.00-den 16.00-ge deıinge rejımde qyzmetkerleriniń keminde 50% jumysyn qashyqtyqtan isteýge kóshedi jáne kúsheıtilgen sanıtarlyq-dezınfeksııalyq rejımdi saqtaı otyryp, onlaın formatta qyzmet túrlerin maksımaldy túrde kórsetedi;
- Qarjy naryǵy sýbektileriniń qyzmeti ýaqyty men sany boıynsha shekteý boıynsha qyzmet etedi QR Ulttyq Bankiniń jáne QR Qarjy naryǵyn retteý jáne damytý agenttiginiń aktisine sáıkes;
- «Qazpochta» AQ-jumys kúnderi saǵat 8.00-den 14.00-ge deıin jumys kestesin ornatýmen, kúsheıtilgen sanıtarlyq-dezınfeksııalyq rejımdi saqtaı otyryp, onlaın rejımde kórsetilmeıtin qyzmetter úshin jumys isteıdi;
- halyqqa baılanyssyz qyzmet kórsetý obektileri (kólik jýý, avtomobılderdi jóndeý, turmystyq tehnıka, hımııalyq tazalaý jáne t. b.) ýaqytsha kezeńde saǵat 10:00-den 17:00-ge deıin kúsheıtilgen sanıtarııalyq-dezınfeksııalyq rejımdi saqtaı otyryp jumys isteı alady;
- Bıznes-ortalyqtar (saqtandyrý kompanııalary, notarıýstar, býhgalterler jáne konsaltıng, jyljymaıtyn múlik agenttikteri, jarnama agenttikteri jáne t. b.), aıyrbastaý pýnktteri, lombardtar jumys kúnderi jáne demalys kúnderi jumys kestesin saǵat 9.00-den 17.00-ge deıin belgileı otyryp, jumysyn jalǵastyrady;
- týrızm nysandary jáne qonaqúılerde turatyn adamdarǵa qyzmet kórsetý salasyndaǵy uıymdar (qonaqúıler, demalys úıleri, týrıstik bazalar jáne basqalary) óz qyzmetterin kúsheıtilgen sanıtarlyq-dezınfeksııalyq rejımdi saqtaı otyryp jáne turatyn adamdar (kelýshiler) 50%-dan aspaǵan jaǵdaıda ruqsat etiledi. Qala ómirin qamtamasyz etetin uıymdar men kásiporyndardyń qyzmetkerleriniń turýyna ruqsat etiledi; Atalǵan nysandardy medısınalyq uıymdar retinde qaıta baǵyttaýǵa jol beriledi.

Qoǵamdyq kólik jumysy kelesidegideı tártippen retteledi:
- qalaaralyq avtobýs tasymaldary toqtatylady (bul rette óńirler arasynda jeke avtokólikpen júrýge ruqsat etiledi);
- senbi jáne jeksenbi kúnderi qala mańyndaǵy jáne qalalyq qoǵamdyq kóliktiń, sonyń ishinde Metropolıtenniń jumysy tolyq toqtatylady;
- qalalyq qoǵamdyq kólik, sonyń ishinde Metropolıten jáne qala mańyndaǵy avtobýs marshrýttary 50%-dan aspaıtyn jolaýshymen jumysyn jalǵastyrady.
Aıta ketý kerek, qoǵamdyq kólikterde dezınfeksııa kún saıyn ár aınalymnan keıin turaqty túrde jasalady.

Shekteý sharalarynyń saqtalýyn qamtamasyz etý maqsatynda monıtorıng jáne baqylaý is-sharalary júrgiziletin bolady. Karantındik rejımdi jáne sanıtarlyq-epıdemıologııalyq talaptardy buzǵany úshin ákimshilik jaýapkershilik qarastyrylǵan.