• USD 412.55
  • EUR 465.73
  • RUB 5.79
  • CNY 58.91

24 Maýsym, 2020 NEWS

«Halyq alǵysy» medalimen 11 shyǵysqazaqstandyq marapattaldy

ShQO aqparat ortalyǵy

QR Prezıdenti Qasym-Jomart Toqaevtyń qatysýymen ótken Biz birgemiz atty volonterlerdiń onlaın forýmynda pandemııamen kúreste erekshe kózge túsken Shyǵys Qazaqstannyń turǵyndaryna qurmet kórsetildi.

ShQO-da «Halyq alǵysy» medaliniń ıegerlerin oblys ákimi Danıal Ahmetov quttyqtady. Marapat alǵandardyń ishinde «Qazsınk» JShS-niń ákimshilik suraqtar boıynsha atqarýshy dırektory Andreı Lazarev te bar. Onyń yqpalymen Ana men bala ortalyǵynda, onkologııa jáne hırýrgııa ortalyǵynda, О́skemendegi 1 qalalyq aýrýhanadaǵy medısına qyzmetkerlerine azyq-túlikter men teledıdarlar tartý etildi. Sonymen qatar Rıdderdegi qalalyq aýrýhanadaǵy pýlmonologııalyq bólimshege qajetti qural-jabdyqtardy alýǵa 50 mln.teńge bólindi. Sondaı-aq «Paryz» qory jalpy quny 500 mln.teńgeni quraıtyn jedel testter alyp berdi. Esterińizge sala keteıik,atalmysh kompanııa Birgemiz qoǵamdyq qoryna qazaqstandyqtardy COVID-19 pandemııasynan qorǵaý maqsatynda 10 mln dollar aýdardy.

Kómekke muqtaj adamdarǵa Kókpekti aýdandyq máslıhatynyń depýtaty, «Muqash» JShS-niń quryltaıshysy Nurjıhan Abdrahmanov qoldaý kórsetti. TJ kezinde ol aýdandaǵy kópbalaly jáne az qamtylǵan otbasylarǵa 720 myń teńge kóleminde kómek berdi.

– Marapattaý rásimi erekshe boldy. Osyndaı qıyn sátte birligimizdi tanyta bildik. Biz pandemııany birge jeńemiz, – dedi Nurjıhan Abdrahmanov.

Qıyn sátte áleýmettik osal topqa jatatyn 37975 shyǵysqazaqstandyqqa 50 myń teńge kóleminde materıaldyq kómek berildi. Munyń bári Nurjan Túsipovtiń jetekshiligimen jumys istep turǵan Birgemiz Shygys qoǵamdyq qorynyń qyzmetkerleri men volonterleriniń arqasy.

Lider.kz Semey volonterlik qozǵalysynyń jetekshisi Evgenııa Pavel da marapattan da kende qalǵan joq. Ol Semeıdegi volonterlerdiń jumysyn uıymdastyryp, birinshi kezekte kómekke muqtaj 300 otbasyǵa qol ushyn berdi. Sondaı-aq TJ kezinde О́skemen men Semeıdegi 15 blok bekettegi jumysty baqylaýda ustaǵan Polısııa departamentiniń patrýldik polısııa bólimshesi qyzmetiniń ınspektory Tilek Dúrmekbaevqa qurmet kórsetildi. Budan bólek Semeıdegi «ShQ REK» AQ elektr júıeleriniń sheberi Beıbit Kópjasarovtyń da eńbegi elendi. Ol basqarǵan brıgada TJ kezinde Semeı halqy men 8 blok beketti elektr jelilerimen qamtamasyz etip otyrdy.

Shemonaıha aýdanyndaǵy «Sanatorıı «Ýba» mekemesiniń bas aspazy Natalıa Kolmagorova marapattaldy. Ol stasıonarda jatqan adamdardy sapaly aspen tamaqtandyrdy. Sonymen qatar «Astana» respýblıkalyq telearnasynyń menshikti tilshisi Irına Iаkýnına osy qurmetke laıyq dep tanyldy.

Semeıdegi 36803 áskerı bóliminiń serjanty Arhat Ermuhamedov te kózge tústi. Ol TJ kezinde seriktesimen birge Semeı turǵyndarynyń qaýipsizdigin qadaǵalap, patrýldik-postqa jaýapty tulǵa retinde taǵaıyndaldy. 18 sáýir kúni Arhat Ermuhamedov qylmyskerdi ustady. 20 sáýirde izdeýde júrgen uryny qolǵa túsirdi.

– Qazir 24/7 rejıminde jumys isteımiz. Kóptegen dárigerler koronavırýs juqtyryp aldy. Soǵan qaramastan biz COVID-19 pandemııasy týraly barlyq azamatqa túsindirý jumystaryn júrgizip jatyrmyz. Nátıjesinde jaǵdaı turaqtalyp keledi, – dedi «Halyq alǵysy» medaliniń ıegeri, ShQO-nyń bas pýlmonology Zaǵrıpa Abdıeva.

Semeıdegi jedel járdem stansasynyń feldsheri Sergeı Onnıkov evakýasııalyq brıgada quramynda eńbek etýde. Ol jaǵdaıdyń qıyndyǵyna qaramastan áriptesterimen birge COVID-19 shaldyǵýy múmkin jáne juqtyrdy degen naýqastarmen jumys istedi.

ShQO aqparat ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir