• USD 412.55
  • EUR 468.66
  • RUB 5.79
  • CNY 58.8

24 Maýsym, 2020 NEWS

Tanysyn túrmeden shyǵaryp beremin dep aldaǵan alaıaq ustaldy

gov.kz

 
Túrkistan oblysynyń polıseıleri týysyn túrmeden shyǵaryp beremin dep turǵyndy aldaǵan alaıaqty ustady. Bul týraly ishki ister mınıstrliginiń saıty habarlady.

"Tóle bı aýdandyq polısııa bólimine jergilikti turǵyn shaǵym túsirgen. Jábirlenýshi áıeldiń aıtýynsha, ózine jaqsy tanys emes adam, úsh jyl merzimge bas bostandyǵynan aıyrylǵan qaınysyn túrmeden bosatyp beremin dep aldap, senimine kirgen. Sodan turǵyn alaıaqqa aldanyp, birneshe bólip aqsha bergenin, áni-mine shyǵarady degenine sengenin, osylaısha jylǵa jýyq ýaqyt ótip, endi polıseılerden basqa eshkim kúdiktini ustaı almaıtynyn aıtyp, kómek suraǵan.

Atalǵan jaıt QR QK-niń 190-baby "Alaıaqtyq" boıynsha tirkelgen. Jábirlenýshige keltirilgen shyǵyn kólemi 1,5 mıllıon teńgeni qurady. Tólebılik turǵyndy aldap túsirgen alaıaqty anyqtap, ustaý maqsatynda Tólebı aýdandyq polısııa bóliminiń polıseıleri jedel-tergeý tobyn qurǵan. Nátıjesinde alaıaqtyń jeke-basy anyqtalyp, úıine kelgen jerinen ustaldy. Kúdikti Shymkent qalasynyń turǵyny bolyp shyqty. Kúdikti jábirlenýshimen kezdeısoq kezdesip qalǵanyn, áńgime arasynda sottalǵan qaınysyn shyǵara alatynyn aıtyp, aldap, odan aqsha alǵanyn tolyq moıyndaǵan. Kúdikti óz sózinde osy qylmysty aqsha qajet bolǵandyqtan, ońaı jolmen oljaly bolý maqsatynda jasaǵanyn jetkizdi. Qazirgi tańda sotqa deıingi tergeý amaldary "Alaıaqtyq" babymen júrgizilip, jınaqtalǵan materıaldar sotqa joldanǵan" delingen mınıstrlik taratqan aqparattyq habarlamada.

Ilmek sózder: Alaıaqtyq

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir