23 Maýsym, 2020 NEWS

«Qazaqstan» medısına qyzmetkerleri kúnine oraı telemarafon ótkizýde

qamshy.kz

Medısına qyzmetkerleri kúnine oraı «Qazaqstan» teleradıokorporasııasy tańǵy 09:00-den tikeleı efırde «Abzal jandar» telemarafonyn ótkizip jatyr.

Telemarafonnyń maqsaty – ult saýlyǵy men ár adamnyń ómiri úshin kúresip júrgen medısına qyzmetkerleriniń eren eńbegi men erligin dáripteý.

Qosylymdarda medısına salasynyń ardagerleri men dál qazir demalyssyz, úı betin kórmeı, qyzmet etip júrgen dárigerlermen suhbat júrgizilip, el medısınasynyń dınamıkalyq damý joly talqylanady.

«Qazaqstan» Ulttyq arnasynyń tilshileri elimizdiń barlyq óńirinen tikeleı baılanysqa shyǵyp, aımaqtardaǵy medısınalyq nysandardyń tynys-tirshiligin kórsetedi.

Medısına salasynyń metrleri stýdııada jáne Skype-baılanys arqyly kardıohırýrgııa, neırohırýrgııa, transplantasııa baǵyttaryndaǵy sońǵy jańalyqtardy baıandaıdy. Kórermen tótenshe jaǵdaı kezeńinde salynǵan aýrýhanalar men ondaǵy naýqastardyń hal-ahýalyn bile alady.

Buǵan deıin habarlanǵanymyzdaı, kópshiliktiń áleýmettik jeliler men elektrondy poshta, Whatsapp arqyly joldaǵan erekshe oqıǵalary tikeleı efırde baıandalyp, hat ıeleri atap kórsetken dárigerlege qurmet kórsetiledi.

Efır barysynda 8 (7172) 75 71 71 nómirine habarlasyp, abzal jandarǵa alǵys bildirip, tól merekesimen quttyqtaýǵa árbir adamnyń múmkindigi bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir