15 Maýsym, 2020 NEWS
Asqar Mamın mingen tikushaq
Premer-mınıstr Asqar Mamın mingen tikushaq shuǵyl túrde jerge qondy. Onyń sebepteri týraly «Qazavıaspas» AQ qoǵammen baılanys bólimi málim etti.
«Jambyl oblysynda 12 maýsym kúni bortynda premer-mınıstr Asqar Mamın bolǵan tikushaq áýeden sholý jasaǵan. Ushý kezinde ushqysh gıdravlıkalyq júıeniń isten shyqqanyn baıqaǵan. Osydan keıin qosalqy gıdravlıkalyq júıe qosylǵan. Ushý nusqaýlyǵyna sáıkes tikushaq Tarazǵa qonýǵa májbúr boldy» dep habarlady «Qazavıaspas» AQ qoǵammen baılanys bóliminiń mamany Anar Hamıtova QazAqparat tilshisine.
Onyń aıtýynsha, qazirgi ýaqytta azamattyq avıasııa salasynda Indýstrııa jáne ınfraqurylymdyq damý mınıstrligi arnaıy komıssııa qurǵan. Atalǵan jaǵdaıdyń resmı sebebi keıinirek jarııalanady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir