• USD 412.55
  • EUR 468.66
  • RUB 5.79
  • CNY 58.8

10 Maýsym, 2020 NEWS

Qytaımen jasyryn jumys jasaǵan Garvard professorynyń qylmysy jarııalandy

CNBC

AQSh ádilet departamenti Garvard professory Charlz Lıberge federaldy organdarǵa Qytaıdaǵy Ýhan tehnologııalyq ýnıversıtetinde jumys istegeni týraly  jalǵan málimdeme jasaǵanyna baılanysty resmı aıyptaý úkimin jarııalady. Bul týraly CNBC jazdy.

Garvard ýnıversıtetiniń hımııa jáne hımııalyq bıologııa kafedrasynyń burynǵy meńgerýshisi, 61 jastaǵy doktor Charlz Lıber qańtarda tutqyndalyp, Bostondaǵy federaldy sotqa shaqyrylǵan. Jalǵan málimdemeler jasaǵany úshin professorǵa bes jylǵa deıin bas bostandyǵynan aıyrý, úsh jyl baqylaýda ustaý jáne 250 000 dollar aıyppul salý qarastyrylǵan.

– Garvard ýnıversıtetinen jasyryp, 2011 jyldan bastap Lıber Qytaıdyń Ýhan tehnologııalyq ýnıversıtetinde "strategııalyq ǵalym" bolǵan dep qaralýda" delingen AQSh ádilet departamentiniń seısenbidegi málimdemesinde.

Aqparatqa sáıkes Lıber Garvard ýnıversıtetinen bólek jasyryn túrde Ýhan tehnologııa ýnıversıtetinde jumys istegen. Ýhan tehnologııa ýnıversıteti oǵan aıyna 50 myń dollar jalaqy tólegen jáne onyń ómir súrý shyǵyndary úshin shamamen 158 myń dollardaı qarajat berip turǵan. Sondaı-aq ýnıversıtette ǵylymı-zertteý zerthanasyn qurǵany úshin oǵan 1,5 mıllıon dollardan astam qarajat bólingen. Al amerıkalyq professor onda jylyna keminde toǵyz aı jumys isteýge mindettelgen.

Aıta keteıik, keıbir aqparat kózderi Garvard ýnıversıtetiniń professory Charlz Lıberdiń qamaýǵa alynýy men jarǵanat koronavırýsynyń zerthanada jasalýyn baılanystyrady. Alaıda ol aqparatqa Qamshy tilshisi faktchekıng jasap, onyń jalǵan ekenin anyqtaǵan.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir