kórneki sýret
Sanıtarlyq-epıdemıologııalyq jaǵdaıdyń qıyndaýyn (nasharlaýyn) boldyrmaýǵa jaýapty qalanyń bas memlekettik sanıtar dárigeri Jandarbek Bekshın áli de jalǵasyp kele jatqan koronavırýs pandemııasynyń jaǵdaıynda sońǵy kezderi áleýmettik jelilerde taralyp júrgen kópshilik sharalar men mıtıngterge shaqyrýǵa jol bermeý kerektigin atap ótti.
“Áli de jalǵasyp kele jatqan epıdemııa jaǵdaıynda qalada adamdardyń ómiri men densaýlyǵyna qaýip tóndirý úlken jaýapsyzdyq bolmaq”, - dep atap ótti J.Bekshın.
Álemdik tájirıbe kórsetip otyrǵandaı, adamdardyń tyǵyz ornalasýy men azamattardyń jaqyn baılanys jasaýy olardyń aýrýdy jappaı juqtyrýlaryna ákelip otyr. Kóptegen qalalar men elderde osyndaı jaǵdaı oryn alǵan.
“Mıtıngter men kópshilik jıyndar adamdardyń aýrýdy keń kólemde juqtyrýyna ákeledi. Eger osyndaı jıyndar juqtyrýǵa ákelip soǵatyn bolsa, mıtıng uıymdastyrýshylar zań aldynda jaýap beredi, tipti qylmystyq jaýapkershilikke tartylýy múmkin”, - dedi J.Bekshın.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir