• USD 412.55
  • EUR 465.73
  • RUB 5.79
  • CNY 58.91

04 Maýsym, 2020 NEWS

Almatyda kópshiliktiń jınalýymen bolatyn sharalardy ótkizýge tyıym salyndy

matritca.kz

Onlaın-brıfıng barysynda Almatynyń Bas memlekettik sanıtar dárigeri Jandarbek Bekshın koronavırýs juqtyrǵan naýqastardyń áli de tirkelip jatqanyn habarlady. Almaty boıynsha koronavırýs ınfeksııasyn juqtyrýdyń barlyǵy 2715 jaǵdaıy tirkeldi.

Qazirgi ýaqytta kópshilik is-sharalardy ótkizýge qatań tyıym salyndy.

Azamattarǵa adamdar kóp jınalatyn oryndardan alshaq júrý jáne qoǵamdyq oryndarda áleýmettik qashyqtyq pen basqa da sanıtarlyq talaptardy saqtaý ótinishi qadala suralýda.

Qalanyń Bas memlekettik sanıtar dárigeriniń №38 Qaýlysyna sáıkes, kelesideı shekteý sharalary engizilgen:

Almaty qalasynyń aýmaǵynda adamdardyń jappaı jınalýymen bolatyn sharalardy ótkizýge tyıym salynǵan;

- kórermenderdiń qatysýmen bolatyn mádenı jáne sporttyq sharalardyń ótkizilýine tyıym salynady;
- jappaı korporatıv jáne basqa da sharalardy ótkizý úshin jekemenshik ıeliktegi úıler men qurylystardy jalǵa alýǵa tyıym salynady;
- qala syrtyndaǵy jáne mektep janyndaǵy saýyqtyrý nysandarynyń jumysyna tyıym salynǵan;
- oqýshylardyń toptasyp ekskýrsııalarǵa shyǵýyna tyıym salynady.

Qazirgi ýaqytta karantın sharalary saqtalyp otyr – basseınder, akvaparkter, attraksıondar jáne saıabaqtardaǵy saýda nysandary, mádenıet jáne saýyqtyrý nysandary áli de jabyq bolady. Kórermenderdiń qatysýmen bolatyn mádenı jáne sporttyq sharalardyń da ótkizilýine tyıym salynǵan.

Kásipkerlerdiń sanıtarlyq talaptardy jıi buzyp, tıisti erejelerdi saqtamaýyna baılanysty osyǵan deıin jumysyn qaıta bastaǵan keıbir nysyndardyń qyzmetin toqtatý máselesi de qaralýda.

– Engizilgen karantın sharalarynyń oryndalmaýy (buzylýy) jalǵasatyn bolsa, bul qaladaǵy sanıtarlyq-epıdemıologııalyq jaǵdaıdyń turaqsyzdyǵyna ákelýi múmkin, - dep málimdedi J.Bekshın.

J.Bekshın atap ótkendeı, jumystaryn qaıta bastaǵan nysandardy, sonymen birge saıabaqtar men skverlerdi torýyldaıtyn (kúzetetin, baqylaıtyn) monıtorıngtik toptar óz qyzmetterin júzege asyrýda. Sonymen birge, densaýlyq saqtaý uıymdarynda profılaktıkalyq tekserýler belsendi túrde júrgizilip jatyr.

Túrli nysandardyń qyzmetine qatysty suraqtar koronavırýs ınfeksııasyn juqtyrý statıstıkasyna qaraı qarastyrylatyn bolady. Qazirgi ýaqytta jabyq turǵan mádenıet nysandary óz jumystaryn eger vırýsty juqtyrý ósimi sońǵy jeti kún boıy 2 paıyzdan aspaǵan jaǵjaıda qalpyna keltirilýi múmkin.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir