Erlan Turǵymbaev blokbeketterde jumys istegen qyzmetkerlerge alǵys aıtty

IIM basshysy Erlan Turǵymbaev blokbeket jumysyna tartylǵan qyzmetkerlerge alǵysyn bildirdi, – dep habarlaıdy Polisia.kz.

– Búkil álem qoǵamǵa jańa qaýip – qatermen-koronavırýs pandemııasymen kúresýde. Bul jumystan Qazaqstanda qalys qalǵan joq. Der kezinde qabyldanǵan sharalardyń, dárigerlerdiń, polıseılerdiń, áskerılerdiń jáne eriktilerdiń janqııarlyq erliginiń, sondaı-aq halyqtyń jaýapkershiligi men tártibiniń arqasynda bizdiń elimizdegi jaǵdaı qalypty, – dep atap ótti Erlan Turǵymbaev.

Mınıstr QR Prezıdenti Qasym-Jomart Toqaevtyń tapsyrmasy boıynsha, ishki ister organdarynyń barlyq kúshteri qoǵamdyq tártip pen turǵyndardyń qaýipsizdigin saqtaýǵa, karantındik is-sharalardy qamtamasyz etýge baǵyttalǵanyn aıtty. 52 000-nan astam qyzmetkerler - polıseıler, qutqarýshylar, áskerı qyzmetshiler jáne ishki ister organdarynyń medısına qyzmetkerleri blokpostarda úzdiksiz qyzmet atqardy, tirshilikti qamtamasyz etýdiń mańyzdy obektilerin, medısınalyq mekemeler men karantındik aımaqtardy kúzetti.

Qoǵamdyq tártipti saqtaýdy kúsheıtý úshin polısııa men Ulttyq ulan jasaqtarynyń sany men tyǵyzdyǵy artty.  Kósheler, saıabaqtar, skverler, turǵyn úı alaptary, saýda nysandary barynsha qamtyldy. О́zin-ózi oqshaýlaý jáne shekteý tártibi kezeńinde qabyldanǵan sharalardyń arqasynda eldegi qylmys 26 paıyzǵa tómendedi. Mundaı erekshe rejımde polısııa jáne IIM-niń basqa da kúshteri alǵash ret jumys istedi.

– Bul ońaı emes edi. Táýlik boıy jumys rejımi, birqatar jaǵdaılarda dala jaǵdaılarymen kazarmalyq jaǵdaıy, úı men otbasynan alshaqtyǵy, keıde jekelegen azamattardyń túsinbeýi men qarsylasýy úlken psıhologııalyq jáne fızıkalyq júktemeler týdyrdy. Biraq bizdiń qyzmetkerlerimiz barlyq 78 kún boıy el basshylyǵy qoıǵan mindetterdi naqty oryndaı otyryp, qyzmet ótkerýdi jalǵastyrdy, – dedi IIM basshysy.

Ishki ister jáne densaýlyq saqtaý organdarynyń barlyq qyzmetkerleri táýlik boıy jumys istedi jáne adamdarǵa qıyn ýaqytta kómek kórsetti, olardyń densaýlyǵyn qorǵaýda aldyńǵy shepte turdy. Tek ortaqtasa qarsy turýdyń ǵana arqasynda koronavırýs indetiniń jappaı juqtyrylýyna jáne kóbeıýine jol berilmedi. Qyzmettik mindetterin adal oryndaǵany, blokposta koronavırýstyq ınfeksııamen kúres jónindegi is-sharalarǵa tikeleı qatysqany úshin Mınıstrdiń buıryǵymen erekshe kózge túsken qyzmetkerler gramotalarmen jáne alǵys hattarmen marapattaldy.

IIM-niń qylmystyq-atqarý júıesi de shet qalmady, onyń mekemelerinde qysqa merzimde qorǵaý quraldaryn: táýekel aımaǵynda ornalasqan qyzmetkerlerge arnalǵan maskalar men kombınezondar óndirisi jolǵa qoıyldy. Osylaısha sottalǵandar da pandemııamen kúreske óz úlesin qosty, olarǵa jeke alǵys aıtyldy.

– Eldi mekender arasyndaǵy blokposttar alynyp tastalady. Biraq bul qaýip joq degendi bildirmeıdi. Azamattarǵa sanıtarlyq talaptarmen saqtyq sharalaryn qatań saqtaý kerek, - dedi Erlan Turǵymbaev.