Eńbekke aqy tóleý júıesine ózgerister engizildi

Túngi jumys ýakyty mereke nemese demalys kúnimen týra kelgen kezde, eńbekke aqy túngi ýaqyttaǵy jumystyń árbir saǵatyna joǵarylatylǵan mólsherde, biraq jumyskerdiń kúndik (saǵattyq) mólsherlemesi negizge alyna otyryp, bir jarym eseden tómen bolmaıtyn mólsherde jáne mereke, demalys kúnderindegi jumysqa aqy tóleý eńbek nemese ujymdyq sharttardyń jáne (nemese) jumys berýshi aktisiniń talaptaryna sáıkes joǵarylatylǵan mólsherde, biraq jumyskerdiń kúndik (saǵattyq) mólsherlemesi negizge alyna otyryp, bir jarym eseden tómen bolmaıtyn mólsherde jeke tólemder júrgiziledi. Bul týraly Shyǵys Qazaqstan óńirlik kommýnıkasııalar qyzmetinde ótken brıfıng barysynda ShQO memlekettik eńbek ınspeksııasy basqarmasynyń basshysy Baqytbek Qızatov málim etti.

– Sondaı-aq, ósimpuldardy esepteý jáne tóleý bóliginde ózgerister engizildi. Atap aıtqanda, ósimpul mólsheri jalaqy tóleý jónindegi mindettemelerdi oryndaý kúnine Qazaqstan Respýblıkasy Ulttyq Bankiniń qaıta qarjylandyrýdyń 1,25 eselengen resmı mólsherlemesi negizge alyna otyryp, esepteledi jáne tólem júrgizýge tıisti kelesi kúnnen bastalyp, tólem jasalǵan kúnmen aıaqtala otyryp, merzimi ótken árbir kúntizbelik kún úshin eseptelinedi. О́simpuldar engizilgen ózgeristerge sáıkes, tek qana jalaqyǵa ǵana emes, sonymen qatar, jumyskerge tıesili somalardy tóleý kezinde de esepteledi, – dedi Baqytbek Qızatov.

ShQO aqparat ortalyǵy