Taldyqorǵan men Úsharal arasyndaǵy ushaq qatynasynyń maýsymy bastaldy

"Jetisý" áýekompanııasy" AQ kestesine sáıkes búgin Taldyqorǵan – Úsharal – Taldyqorǵan baǵytyndaǵy ushý reısiniń maýsymy bastaldy. Alǵashqy reıste L-410 ÝVP-E20 ushaǵyndaǵy ushqan jolaýshylar Alakól aýdanyna qarasty "Úsharal" áýejaıyna kelip qondy, dep habarlaıdy Almaty oblysy ákiminiń baspasóz qyzmeti.

Qazirgi karantın rejımine baılanysty áýejaıda sanıtarlyq talaptar, betperde rejımi qatań saqtalǵan. Munda barlyq qaýipsizdik sharalaryn saqtaı otyryp, Alakól aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń qyzmetkerleri tarapynan ushyp kelgen jolaýshylardyń dene qyzýlary teplovızormen ólshenip, anketa toltyrylady.

Búgingi kúnge Taldyqorǵan – Úsharal – Taldyqorǵan baǵytyndaǵy ushaqtar kúndelikti saǵat 10.00-11.00, 10.30-11.30-da qatynaıdy. Bılet quny 8 000 teńge.

Al Nur-Sultan – Úsharal – Nur-Sultan jáne Almaty – Úsharal – Almaty baǵyttaryndaǵy áýe reısteri bıylǵy jyldyń 20 mamyrynan bastap ushady.

Almaty oblysy ákiminiń baspasóz qyzmeti