04 Mamyr, 2020 NEWS
Kórneki sýret
4 mamyrda "Jýrnalıstıka jáne qoǵamdyq dıplomatııa: olar bir-birine qalaı qoldaý kórsete alady?" taqyrybynda onlaın kezdesý ótti. Qazaqstandaǵy AQSh elshiliginiń qoldaýymen uıymdastyrylǵan vebınarǵa qazaqstandyq stýdentter men jýrnalıster qatysty.
Kezdesýde AQSh-tyń Qazaqstandaǵy elshisi Ýılıam Mozer jýrnalısterdi ótken Dúnıejúzilik baspasóz bostandyǵy kúnimen quttyqtap, BAQ-tyń qazirgi álemdegi róli týraly oıymen bólisti.
Jyl saıyn 3 mamyrda álem Dúnıejúzilik baspasóz bostandyǵy kúnin atap ótedi. Onyń maqsaty – baspasóz bostandyǵynyń negizin qalaýshy qaǵıdattardy eske alý, BAQ táýelsizdigine qolsuǵýshylyqtan qorǵaýǵa járdemdesý, álemdegi baspasóz bostandyǵynyń jaǵdaıyn baǵalaý.
Onlaın kezdesýdiń spıkerleri – elshiliktiń baspasóz hatshysy Shon Boda jáne BAQ máseleleri jónindegi keńesshi Qarlyǵash Jamanqulova boldy.
Vebınar aıasynda Shon Boda jýrnalıst táýelsizdigine nuqsan keltirip almaı, baspasóz qyzmeti ókilderimen qalaı baılanys ornatý keregin, sondaı-aq, AQSh elshiligindegi jýrnalısterdi qoldaý sharalary týraly aıtyp berdi.
"Qazaqstandaǵy AQSh elshiligi jýrnalısterdi jan-jaqty qoldaýǵa tyrysady. Meniń oıymsha, qoǵamdy damytýǵa kómektesetin ortaq qundylyqtardy bólisý asa mańyzdy", – dedi Shon Boda.
Aıta keteıik, kezdesýdi Qazaqstandaǵy AQSh elshiliginiń qoldaýymen Halyqaralyq aqparattyq tehnologııalar ýnıversıtetiniń Medıakommýnıkasııa kafedrasy uıymdastyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir