Eýropa koronavırýstyq shekteýlerdi birtindep ala bastaıdy

Eýroodaq basshylarynyń aıtýynsha, koronavırýspen kúresýdiń "ekinshi kezeńi" bolady, onda qoǵam maska taǵyp "vırýspen birge ómir súrýdi" úırenedi, dep jazady thesun.co.uk.

Avstrııanyń kansleri Sebastıan Kýrs koronavırýstyq shekteý sharalaryn aıaqtaý kúnderine baılanysty josparyn aıtqan Eýropanyń alǵashqy basshysy boldy. 

Onyń aıtýynsha, shaǵyn dúkender 14 sáýirden bastap qaıta ashylady, eger bári jaqsy bolsa, úlken dúkender men saýda ortalyqtaryn 1 mamyrda ashýǵa bolady.

Avstrııadan keıin kóp uzamaı Danııa 15 sáýirden bastap birtindep shekteýlerdi ala bastaıtynyn málimdedi. Eldegi Covid-19 sany turaqty bolǵan jaǵdaıda balabaqshalar men bastaýysh mektepter qaıtadan ashylýy múmkin .

Reıter agenttigi habarlaǵan úkimettik qujatqa sáıkes, Germanııa shekteýdi alýdy kezeń-kezeńmen iske asyrýdy josparlap otyr.

Josparǵa mindetti túrde maska taǵý, ınfeksııa juqtyrǵan adamdardy jáne olarmen baılanysta bolǵan adamdardy karantınge alý kiredi.

Bul jospar dúkender men keıbir mektepterdiń ashylýyna múmkindik berýi yqtımal, biraq áleýmettik oqshaýlaný jalǵasady jáne iri sharalar men jeke jınalystarǵa tyıym salynady.

Infeksııa deńgeıi 17 naýryzdan bastap tómendeýine baılanysty Italııa da koronavırýs shekteýin azaıta bastady. Italııada shekteý sharalary 13 sáýirde aıaqtalady, biraq Italııanyń koronavırýspen "birge ómir súrýdiń" kelesi kezeńine qashan jáne qalaı kiretini sarapshylardyń tehnıkalyq toby sheshedi.

Buǵan deıin múlde toqtaǵan bıznester qaıta jumys bastaýy múmkin.

Al, Ispanııa Pasha merekesinen keıin keıbir ekonomıkalyq shekteýlerdi alyp tastaýǵa bolatynyn aıtqan.

Biraq dúkender, barlar men meıramhanalar jabyq kúıde qalady, sondyqtan shekteý sharalary 26 sáýirdegi belgilengen merzimnen keıin de jalǵasýy múmkin.

Danııa 11 naýryzdan bastap karantınde, biraq Pasha merekesinen keıin jańa jaǵdaılardyń týyndaýy bolmasa, sharalardy alyp tastaýdy josparlap otyr.