• USD 414.13
  • EUR 451.4
  • RUB 5.8
  • CNY 58.03

05 Sáýir, 2020 Álem

Koronavırýs. Ekvadorda máıitter kóshede jatyr (vıdeo)

cnn.com

Ekvadordyń batysyndaǵy Gýaıakıl qalasynyń kósheleri qańyrap bos qalǵan. Qalada koronavırýstan ólgen adamdar kóbeıip, máıitter dalada shashylyp jatyr.

CNN pandemııa memlekettiń barlyq salalaryna aýyr tıgenin jazady. Aýrýhanalarda naýqastardy qabyldaýǵa tósek joq, máıitterdi jerleýge etý zırattar men máıt saqtaıtyn oryndar jetispeıdi. Olardy qoıýǵa jer qalmaǵandyqtan, keıbir turǵyndar "olardy syrtta qaldyrǵannan basqa amal joq" deıdi.

Elde Covid-19 saldarynan naqty qansha adam ólgeni belgisiz. Jergilikti otbasylardyń aıtýynsha, vırýs juqtyrǵandardy Gýaıakıldiń aýrýhanalary emdeı almaıdy.

"Biz bes kún kúttik" dedi Fernando Espana esimdi turǵyn 30 naýryzda Reuters agenttiginde bergen suhbatynda. "Biz 911 nómirine qońyraý shalyp sharshadyq. Olar aıtatyn jalǵyz sóz – kútý kerek" dep sózin jalǵastyrǵan ol kamerany tereze arqyly úıdiń ishine buryp, úı ishindegi qara plastıkpen oralǵan máıtti kórsetken.

"Máıtter ıistenip ketken. Bizdiń egde jastaǵy kórshilerimiz bar. Meniń de 80 jastaǵy anam bar" deıdi Espananyń kórshisi Glenda Larrea Vera sol vıdeoda".

CNN taratqan taǵy bir vıdeoda kóshede motosıkldiń qasynda qulap jatqan jigitti kórsetilgen. Keıin ony arnaýly kıim kıgen qyzmetkerlerdiń alyp ketken.

a

Ekvador bıliginiń aqparatynsha, 3 mıllıonǵa jýyq turǵyny bar bul qaladaǵy otbasylardan 300 máıit shyqqan.

Gýaıakıl qalasynyń meri Sıntııa Vıterı ótken aptada óziniń Twitter-degi paraqshasynda Úkimetten kómek suraǵan.

"Eldiń densaýlyq saqtaý júıesinde ne bolyp jatyr? Eshkim ólgenderdi alyp ketpeıdi, máıtterdi trotýarda qaldyrýda. Adamdar aýrýhanalardyń aldynda qulap jatyr. Eshkim olardy qozǵaǵysy kelmeıdi... Adamdar ne úshin óz úılerinde ólip jatqanynyń naqty sebepterin bilýimiz kerek" degen ol.

"Búkil aýrýhanalarda oryndar jetispeıdi, aýrýhanalar esikterin jaýyp, adamdardy syrtta qaldyryp jatyr" deıdi taǵy bir turǵyn.

Aýrýhanalar jetispeıtindikten, keıbir adamdar medısınalyq kómek kútip otyryp ólip jatyr. Gýaıakıl qalasyndaǵy aýrýhanaǵa jedel járdem arqyly barǵan múgedekter arbasyn qoldanatyn bir áıel qaıtys boldy. Aty-jónin aıtpaýdy ótingen aýrýhana qyzmetkeriniń aıtýynsha, onda tósekter joq, arbada kútip otyryp ólgen áıeldiń denesi dalada tórt saǵatqa jýyq ýaqyt turǵan. Onyń ólimniń sebebi anyqtalmaǵan.

Ekvador bıligi respýblıkada vırýs juqtyrǵan 3 368 jáne 145 ólimniń tirkelgenin habarlady, olardyń ishinde 102-si Gýaıas provınsııasynda kóz jumǵan, al, Gýaıakıl qalasy osy provınsııada ornalasqan. Alaıda, keıbir azamattar eldegi koronavırýstyń jaǵdaıy tipti de aýyr dep esepteıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir