04 Sáýir, 2020 NEWS
qamshy.kz
QR Tuńǵysh Prezıdenti, Elbasy Nursultan Ábishuly Nazarbaev Aqtóbe oblysynyń ákimi Ońdasyn Orazalınmen telefon arqyly baılanysqa shyǵyp, eldiń hal jaǵdaıyn surady.
Aqtóbe óńirindegi jalpy jaǵdaıdyń turaqtylyǵymen, indetke qarsy jasalyp jatqan jumystardyń josparymen tanysyp, oblys tarapynan qabyldanǵan sharalardyń durystyǵyn maquldady. Sonyń ishinde Respýblıkalyq bıýdjetten bólinetin kómekten tys, oblystyq bıýdjetten járdemaqylardyń bólinýin durys áreket dep baǵalady. Sondaı aq kommýnaldyq tólemderdiń jeńildetilgenin, ýaqtyly jasalǵan aldyn alý sharasy retinde qoldady. Kóktemgi egis naýqanyna daıyndyq jumystary barysymen tanysyp, ýaqytqa saı jer ylǵalyn tıimdi paıdalanyp,aýylsharýashylyq tehnologııalardy saqtaı otyryp, egistikke muqııat nazar aýdarýdy tapsyrdy.
О́ńirdegi mal sharýashylyǵynyń da jaı-kúıinen habardar boldy. Sonymen birge tótenshe jaǵdaıǵa baılanysty Elbasy qorynan Nur Otan partııasy arqyly jetkiziletin kómektiń bólinýiniń retterimen aqyldasty. Iаǵnı elge járdem retindegi azyq-túlikpen, basqa da qajetti zattarmen, dári-dármekpen taratyp jetkizilýi jóninde pikirin surady.
Oblys ákimi Ońdasyn Orazalınniń qaıyrymdylyq retinde beriletin zattardy eriktiler arqyly jetkizý olardyń densaýlyǵyna qaýip tóndirý yqtımaldyǵy sebepti alańdaýshylyq bildirgen soń, árkimniń jeke esebine aqshalaı aýdarǵan yńǵaıly bolar degen usynysty maquldady. Elbasy Ońdasyn Orazalınniń óziniń janynda biraz jyldar birge júrip qyzmet barysynda jınaǵan tájirıbesine kóńili tolatyndyǵyn aıta kele, tótenshe jaǵdaı ýaqytyndaǵy oblys kólemindegi atqarylyp jatqan barlyq jumystarǵa oń baǵa berip, oǵan senetinin jetkizdi.
Túbinde bul indetti halyqtyń aýyzbirshiligimen jeńip shyǵatynyna eshqandaı kúmán keltirmeı, qutty meken – Aqtóbege kelip, el turǵyndarymen júzdesý josparymen bólisti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir