19 Naýryz, 2020 NEWS

B. Baıbek: Áleýmettik paketterdi úlestirýge atsalysqan «Jas Otan»-dyq volonterlarymyzǵa dán rızamyn

«Nur Otan» partııasy resmı saıty

«Nur Otan» partııasy Tóraǵasynyń Birinshi orynbasary Baýyrjan Baıbek aikyn.kz-ke bergen suhbatynda Elbasynyń óz prezıdenttik ókilettigin toqtatqanyna bir jyl tolýyna oraı óz oıyn ortaǵa salyp, Nursultan Nazarbaevtyń el táýelsizdigin nyǵaıtyp, damytýdaǵy róli jaıynda taratyp aıtty. Sonymen qatar dúnıeni dúrbeleńge salǵan koronavırýs indetiniń órshýine baılanysty partııa tarapynan el turǵyndaryna kómek berý boıynsha qolǵa alynǵan sharalar jaıy da sóz boldy.

Partııa tóraǵasynyń Birinshi orynbasary búginde álemniń búkil eli derlik koronavırýspen belsendi kúres júrgizip jatqanyn, bul indettiń bizdi de aınalyp ótpegenine toqtaldy. Elimizde alǵash ret tótenshe jaǵdaı engizilip, eki iri qalada karantın jarııalandy. Osy ahýalǵa oraı eldiń eń iri saıası kúshi - «Nur Otan» partııasy da jurtshylyqqa kómek qolyn sozyp, «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary aıasynda muqtaj jandardy antıseptıkalyq quraldarmen jáne birinshi kezekte qajetti taýarlarmen qamtamasyz etý úshin 150 mln. teńge bóldi. «Nur Otan» jáne «Jas Otan» volonterlary men eriktilerinen yqsham toptar qurylyp, osynaý syn sátte áleýmetke óz kómekterin kórsetýde.

«Men erikti túrde jalǵyz basty qarttarǵa, turmysy tómen kópbalaly otbasylarǵa jáne erekshe qajettilikteri bar azamattarǵa arnaıy áleýmettik paketterdi úlestirýge atsalysqan «Jas Otan»-dyq volonterlarymyzǵa dán rızamyn. Shynaıy patrıotızm men Otanǵa degen súıispenshilik tap osyndaı syn sátterde kórinedi» - dedi Baýyrjan Baıbek.

Oqyrmandar suhbatpen tolyǵyraq aikyn.kz saıtynan tanysa alady: B.Baıbek: Elbasy bastaǵan aǵa urpaq eldikti qaıta jańǵyrtty – memleketimiz eńsesin tiktedi, senimi nyq, erteńi eren ult bolyp uıystyq

 

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir