Koronavırýstyń epıdemıologııalyq jaǵdaıy týraly saǵat 18.00-degi sońǵy derekterdi QR densaýlyq saqtaý mınıstrliginiń baspasóz qyzmeti málimdedi.

Qazaqstanda koronavırýstyń 44 jaǵdaıy rastaldy, onyń ishinde Almaty qalasynda – 19, Nur-Sultanda – 25 jaǵdaı anyqtalǵan. Stasıonarlyq karantınde – 860 adam, úı karantıninde – 2 611 adam jatyr.

Sonymen qatar, Qazaqstanda Qytaı Halyq Respýblıkasy men ózge kórshiles memleketterden kelgen azamattardy baqylaý jumystary jalǵasýda. Barlyq sanattar boıynsha jalpy 2 885 adam baqylaýǵa alyndy, onyń ishinde 262 adam – 1 «a» sanaty, 1766 adam – 1 «b» sanaty, 857 adam 2-sanat boıynsha baqylanýda.

Monıtorıngke alynǵan 2 885 adamnyń 724-i baqylaýdan alyndy.

19 naýryzdaǵy jaǵdaı boıynsha, barlyǵy 2 161 adam baqylaýda qalady. Sondaı-aq, 19 naýryzda 157 adam dene qyzýymen jáne jedel respıratorly vırýstyq ınfeksııalarmen aýrýhanaǵa jatqyzyldy, olardyń 47-si 1 «B» sanatyna jatqyzyldy; 2-sanat boıynsha – 53 adam; 3-sanat boıynsha – 57 adam.

Bas memlekettik sanıtarlyq dárigerdiń Qaýlysyna sáıkes, bul naýqastar algorıtm boıynsha juqpaly aýrýlar aýrýhanasyna jatqyzylady.

Epıdemııaǵa qarsy barlyq qajetti sharalar, sonyń ishinde oqshaýlaý, emdeý jáne dezınfeksııa jumystary júrgizildi.

Aıta ketý kerek, koronavırýsqa qatysty ahýal densaýlyq saqtaý mınıstrliginiń turaqty baqylaýyna alynǵan.

Mınıstrlik koronavırýs ınfeksııasynyń taralýyn boldyrmaý úshin aldyn-alý sharalaryn saqtaýdy eske salady:

- qoldy jáne betti sabynmen jıi jýý;
- adam kóp jınalatyn jerden aýlaq bolý;
- naýqas adamdarmen baılanysta bolmańyz;
- sýyq tııý belgileri (dene qyzýy, murynnyń bitelýi, jótel) bolsa, jedel járdem kómegine júginińiz. 

Koronavırýsqa baılanysty resmı aqparatty veb-saıttan jáne densaýlyq saqtaý mınıstrliginiń Facebook-tegi resmı paraqshasynan bile alasyzdar. Suraqtar boıynsha 1406 nómirine qońyraý shalyńyz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir