1 qańtardaǵy jaǵdaı boıynsha, Qazaqstan halqynyń sany 18 mln 632 myń 200 adamdy qurady, dep habarlaıdy QR Ulttyq ekonomıka mınıstrligi Statıstıka komıteti.

18 mln 632 myń 200 adamnyń 10 mln 893 myń 800-i nemese 58,5 paıyzy –qalalarda, 7 mln 738 myń 400 myńy nemese 41,5 paıyzy aýyldarda turady. Jalpy halyq sanynyń 9 mln 34 myń 300-in nemese 48,5 paıyzyn – erler, 9 mln 597 myń 900-in nemese 51,5 paıyzyn áıelder quraıdy.

2019 jylǵy 1 qańtarmen salystyrǵanda halyq sany 236,5 myń adamǵa nemese 1,3 paıyzǵa ósti. Bir jyl ishinde turǵyndar sany eń kóp 3 óńirde artqan paıyzyn Almaty qalasynda 62,2 myń adamǵa, Nur-Sultan qalasynda 57,6 myń adamǵa jáne Túrkistan oblysynda 36,4 myń adamǵa.

Bıyl 1-30 qazan aralyǵynda Qazaqstanda ulttyq sanaq júrgiziledi.

Qazan aıynyń 1 men 15 aralyǵynda, ıaǵnı tikeleı halyq sanaǵynyń alǵashqy 15 kúninde ınternet-saýalnama júrgiziledi. Internet-saýalnamada respondentter ózine jáne otbasy múshelerine Internet jelisi arqyly sanaq.gov.kz arnaıy saıtynda sanaq paraqtaryn óz betinshe toltyrady. Sonymen birge saıtta respondentterge arnalǵan túsindirmeler men arnaıy vırtýaldy kómekshi de bar.

Internet-saýalnamamen qatar 1-30 qazan aralyǵynda ıntervıýerler jappaı saýalnama júrgizedi. Saýalnama jaýaptary planshetke engiziledi. Internet arqyly málimetter bergen respondentter ıntervıýerler júrgizetin saýalnamaǵa qatyspaıdy. Halyqqa saýalnama júrgizý barysynda respondentti sáıkestendirý úshin suralatyn adamnyń JSN-i paıdalanylady. Saýalnama aıaqtalǵanda halyq sanaǵynan ótkeni týraly anyqtama beriledi.

2018 jyldan bastap 2022 jyl aralyǵynda Qazaqstan Respýblıkasynyń Ulttyq halyq sanaǵyna daıyndyq jáne ótkizý úshin Komıtetke 8 211 mln teńge somasynda qarjy qarastyrylǵan.

Ilmek sózder: halyq sany ulttyq sanaq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir