Shymkent qalalyq bilim basqarmasy basshysy orynbasarynyń mindetin atqarýshy J.D.Bazarova alaıaqtyq jasaǵany úshin kináli dep tanylyp, sot ony memlekettik qyzmette jumys isteý quqyǵynan ómir boıyna aıyryp, 3 mıllıon teńge aıyppul saldy. Bul týraly sybaılas jemqorlyqqa qarsy is-qımyl agenttiginiń baspasóz qyzmeti habarlady.
Agenttiktiń habarlaýynsha, Bazarovaǵa qatysty úkim 6 jetoqsanda shyqqan.
"Ol orta mekteptiń bilim jónindegi meńgerýshisine mektep dırektorynyń laýazymyna taǵaıyndalý úshin test tapsyrýǵa járdem bergeni úshin onyń 400 myń teńge qarajatyn aldaý jáne senimin teris paıdalaný arqyly ıemdendi degen kúdikke ilingen. 6 jeltoqsanda Shymkent qalasy Eńbekshi aýdandyq sotynyń úkimimen J.D. Bazarova alaıaqtyq jasaǵany úshin kináli dep tanylyp, memlekettik qyzmette laýazym atqarýǵa ómir boıyna quqyǵynan aıyrý men 3 mıllıon teńge aıyppul salyndy" - delingen vedomstvo taratqan habarlamda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir