Ozyq otyz eldiń qataryna umtylǵan jurtta endi 1,25 mıllıon jeke kásipker turady. Tirkelgeni, álbette. Bul týraly Qamshy.kz aqparat agentigi Ranking.kz. saıtyna silteme jasap habarlaıdy.

Qarjyger mamandardyń aıtýynsha, buǵan sebep – eldegi mıkroqarjy uıymdary (MQU) kredıtteriniń úles salmaǵynyń úzdiksiz ósýi negiz bolýda. Resmı málimetterge súıensek, Qazaqstandaǵy MQU kredıtteri 38 paıyzǵa deıin ósip otyr.

Dálirek aıtqanda, sońǵy toqsandaǵy MQU-nyń jıyntyq nesıe portfeli aıtarlyqtaı ósip, bıyldyń ekinshi toqsany boıynsha 258,1 mlrd. teńgege jetti. Bir jyldaǵy ósim shamamen 40 paıyzǵa jýyqtaǵan.

Bul tusta taǵy bir úlesin júzdiktiń ústine ústegen kórsetkishti aıta ketýimiz kerek. Aıtalyq, osy jyldyń ekinshi toqsanynda Ulttyq bankke 165 mıkroqarjy uıymy esep bergen.

Mundaıda, qarjylyq saýattylyǵy joǵary oqyrmannyń munsha kóp uıymnyń kósh basyndaǵy TOP-10 nusqasyn bilgisi keletini zańdylyq. Atap aıtar bolsaq, olar: «Solva», «Toıota Faınanshl», «Shınhan Fınans», «Bereke», «Yrys», «Azıatskıı kredıtnyı fond», «KMF», «RIS Kyzylorda», «Arnýr Kredıt», «ERG Microfinanse» bolyp ondyqta tur.

Qoryta aıtqanda, eldegi mıkroqarjy uıymdarynyń úles salmaǵynyń munsha tez artýyna eki faktor sebep bolyp otyrǵanǵa uqsaıdy. Onyń alǵashqysy, árıne, atalmysh uıymdardyń qaı turǵydan alǵanda da kásip ashqysy keletin qarapaıym halyqqa qoljetimdiligi deýge bolady.

Al kelesi faktorǵa kelsek, alys aımaqtarda ekinshi deńgeıli bank fılıaldarynyń az bolýy sebep bolyp otyr. Bundaı jaǵdaıda úles salmaǵy kún saıyn artyp bara jatqan jeke kásipkerler úshin óz bıznesin dóńgeletýde mıkroqarjy uıymdarǵa júgingen áldeqaıda tıimdi ekeni belgili.

Qozybaı QURMAN

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir