20 Qazan, 2019 Aımaqtar

Jambylda jastardy eńbekke yntalandyrǵan ekskýrsııa ótti

Jambyl oblysy ákimdiginiń bilim basqarmasy Jambyl polıtehnıkalyq joǵary kolledji, Qulan aýylsharýashylyq kolledji, Qordaı aýylsharýashylyq kolledji, №9 Merke kolledji jáne №3 Baızaq kolledji stýdentterine T.Rysqulov aýdany Jarlysý aýylynda ornalasqan «Sháýshen» sharýa qojalyǵyna ekskýrsııa uıymdastyrdy.

Sharanyń maqsaty -Jalpyǵa Ortaq Eńbek qoǵamyn qurý aıasynda óndirýshi eńbekti yntalandyrý, jastar arasynda jumysshy kásibin nasıhattaý jáne jumysshy áýletindegi kóp jyldyq dástúrdi nyǵaıtý bolyp tabylady.

Aıta ketý kerek, «Sháýshen» sharýa qojalyǵynyń basshysy 2018 jyly Qazaqstan Respýblıkasynyń Eńbek Eri ataǵyn ıelengen belgili kásipker Saırambaı Áliqululy Dónenbaev. Iıa, erdiń atyn eńbek shyǵarady degen. Jeke kásipker búginde óz aýylynyń qurmetti azamaty, týǵan ólkesine 150 mln teńgege mektep-ınternat, 92 oryndyq balabaqsha salyp, halyq ıgiligine bergen bolatyn. Sondaı-aq 20 shopannyń otbasy úshin jekeshelendirý quqyǵymen 10 turǵyn úı salyp bergen. Kásipker áleýmettik kómek úshin jylyna 50 mln qarajat bólip, halyqtyń turmys jaǵdaılarynyń jaqsarýyna kómek kórsetedi. Aýyl turǵyndaryn turaqty jumyspen qamtyp, olardyń ál-aýqatynyń jaqsarýyna yqpal etýde. Sharýa qojalyǵy basshysynyń aıtýynsha, 2014 jyly qymyz óndirý úshin óz qarajattaryna quny 250 mln. teńge turatyn jylqy fermasy jobasyn iske qosqan. Búgingi tańda munda ár bıeden 9 lıtrge deıin saýmal saýylady. Qojalyq qoımasynda 16 myń lıtr qymyz saqtaýly.

-2019 jyl -Jastar jyly dep jarııalanǵanyna oraı jastardy jumyspen qamtý máselesi elimizde basty nazarda ekeni belgili. Búgingi tańda respýblıkamyzda ekonomıkany qaıta qurý jolynda onyń negizi bolyp tabylatyn kásipkerlik qatynastardy damytyp, jastardy jumyspen qamtý ózekti máselelerdiń biri. Kásiptik bilim jastarymyzdyń mamandyq tańdaýy úshin qajetti óristi qamtamasyz etýge, al eresek turǵyndar úshin olardyń jańa josparly ispen aınalysýyna, kásibı sheberligin jetildirýine beıimdelgen. Qazirgi jastardyń kásiptik bilimge degen qyzyǵýshylyqtarynyń arta bastaǵanyn baıqaımyz. Básekege qabiletti jáne kásibı sheberligi joǵary mamandar daıarlap, keleshekte óz kásipkerlikterin ashýǵa baǵyt berý maqsatynda «El erteńi - Bilimdi jastar» dep jastardy «Sháýshen» sharýa qojalyǵynyń tynys tirshiligi, óreli isterimen tanysyp, oı túıip qatty,-deıdi Jambyl polıtehnıkalyq joǵary kolledjiniń kásiptik oqytý jumystary jónindegi orynbasary Turlyhan Orazbaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir