• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:41:22
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Medısınalyq uıymdardyń materıaldyq bazasy nyǵaıyp keledi

Qazaqstan Respýblıkasy Prezıdenti Qasym-Jomart Toqaevtyń halyqqa arnaǵan tuńǵysh Joldaýynda medısınalyq qyzmet kórsetýdiń sapasy men qoljetimdiligin qamtamasyz etý jaıyna aıryqsha toqtalǵany belgili.Bul oraıda eń áýeli densaýlyq saqtaý uıymdaryn tehnıkalyq turǵydan jabdyqtaý isine basymdyq beriledi. Sáıkesinshe Jambyl oblysyndaǵy medısınalyq nysandardyń materıaldyq-tehnıkalyq jabdyqtalý kórsetkishi jaqsaryp keledi. Tek bıyldyń ózinde jambyldyq medısınalyq uıymdardyń bazasy 47 dana sanıtarlyq kólikpen tolyqty, dep jazady Qamshy.kz aqparat agenttigi. 

Bıyl Jambyl óńirindegi shalǵaı aýdandarǵa alǵashqy medısınalyq kómek kórsetý sapasyn jaqsartýǵa 321 mıllıon teńge qarjy qarastyrylyp, jergilikti densaýlyq saqtaý nysandaryna 47 dana sanıtarlyq avtokólik satyp alyndy. Nátıjesinde óńirdegi medısınalyq nysandardyń materıaldyq tehnıkalyq qamtamasyz etý kórsetkishi 78,8 paıyzǵa deıin ulǵaıdy.

–О́tken jyldyń qorytyndysynda óńirdegi medısınalyq uıymdardaǵy materıaldyq tehnıkamen qamtamasyz etý kórsetkishi 71,4 paıyzdy qurasa, bıyl bul baǵytta maqsatty júrgizilgen júıeli jumys nátıjesinde kórsetkishti 7,4 paıyzǵa deıin ulǵaıtý múmkindigine qol jetkizdik. Sondaı-aq ótken jyly aýdandyq ortalyq aýrýhanalardyń jabdyqtalý kórsetkishi 87,03 paıyzdy qurasa, aǵymdaǵy jyldyń III toqsanynda bul kórsetkish 85,7 paıyzǵa teńesti. Eń bastysy byltyr tozǵan tehnıkalyq jabdyqtardyń úlesi 23,24 paıyz bolsa, bıyl bul kórsetkish 6,44 paıyzǵa deıin azaıdy.

Jalpy 2018 jyly oblystaǵy medısınalyq uıymdardy zamanaýı medısınalyq qural-jabdyqtarmen qamtamasyz etýge 2 mıllıard 300 mıllıon teńge qaralǵan. Bul qarjyǵa 942 dana medısınalyq qural jabdyq satyp alyndy. Al bıyl bul maqsatqa jergilikti bıýdjetten 2 mıllıard 131 mıllıon teńge qarjy qaralyp, 587 medısınalyq tehnıka satyp alyndy, –deıdi oblys ákimdiginiń densaýlyq saqtaý basqarmasynyń basshysy Marat Jumanqulov.

Medısınalyq qyzmet sapasyndaǵy negizgi faktor sanalatyn jedel járdem kólikteriniń qyzmetin uıymdastyrýda mańyzǵa ıe kórsetkish sanalady. Sondyqtan óńirdegi barlyq jedel járdem kólikterine GPS-navıgasııamen jabdyqtalǵan. Atalǵan qurylǵyny ornatý nátıjesinde medısınalyq brıgada túsken shaqyrtýǵa der shaǵynda kómekke umtylý kórsetkishi ulǵaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir