• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:42:24
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Jaıylymdyq jerler-jiti nazarda

Memleket basshysy Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda jer resýrstaryn tıimdi paıdalaný máselesine aıryqsha nazar aýdardy.

«Jer resýrstaryn tıimsiz paıdalaný máselesi óte ózekti bolyp otyr.

Jerge salynatyn tikeleı salyqtar deńgeıiniń tómendigi jaǵdaıdy kúrdelendire tústi.

Memleketten jerdi tegin jalǵa alý quqyǵyna ıe bolǵandardyń kópshiligi jerdi ıgermeı, bosqa ustap otyr.

Elimizde «shóp qoryǵan ıttiń» kebin kıgen «latıfýndıster» kóbeıip ketti.

Paıdalanylmaı jatqan aýyl sharýashylyǵy jerlerin qaıtaryp alatyn kez keldi. Jer – bizdiń ortaq baılyǵymyz jáne ony kim ıgerse, soǵan tıesili bolýy tıis»dedi Prezıdent.

Búginde Áýlıeata óńirinde osy baǵyttaǵy jumystar barynsha júıeli júzege asýda. Jambyl oblysy ákimdiginiń jer qatynastary basqarmasynyń basshysy Bahtııar Kópbosynovtyń aıtýynsha, 2018 jyldyń 1 qarashasyndaǵy jaǵdaı boıynsha oblystyń jer qory 14 426,4 myń gektardy quraıdy. Onyń ishinde aýylsharýashylyq maqsatyndaǵy jerler - 4589336 gektar; eldi mekenderdiń jerleri –467166 gektar; ónerkásip, kólik, baılanys, qorǵanys maqsatyndaǵy jerleri – 173167 gektar; erekshe qorǵalatyn tabıǵı aýmaqtardyń jerleri – 11659 gektar; orman qorynyń jerleri – 4 430673 gektar; sý qorynyń jerleri – 338 741 gektarǵa teń. Al bosalqy jerler - 1 926 256 gektar bolsa, basqa memleket paıdalanyp jatqan jer kólemi – 2 489 300 gektardy alyp jatyr.

-Jer esebine sáıkes oblystyń jer qorynyń 65 paıyzyn nesese 9,4 mln gektardan astamyn jaıylymdyq jerler alyp potyr.

Soǵan qaramastan, jaıylymdardy paıdalanýdy retteý búginde ózekti máselelerdiń birine aınalyp otyr.

Agrarlyq salany reformalaý barysynda 1,7 mln gektardan astam jaıylymdyqtardyń aýylsharýashylyq maqsatyndaǵy jerlerden orman qoryna aýystyrylǵandyǵyn aıtý kerek,-deıdi basqarma basshysy.

Árbir eldi meken boıynsha sharýashylyqtardyń barlyq sanattaryndaǵy mal basynyń esebi alynyp, jaıylym jerlerdi naqtylaý júrgizilgen. Sondaı-aq ár aýyldyq okrýg boıynsha jalpy paıdalanymdaǵy jaıylym jerlerdiń paıdalanýǵa berilip ketken bóliginiń jáne eldi mekender aýmaǵyna jaqyn ornalasqan (5-7 shaqyrym) jaıylym jerlerdiń ıelerin anyqtaý jumystary júrgizilipti.

Taldaý nátıjesi, 4 aýdannyń (Baızaq, Jýaly, Qordaı, Merki) 19 aýyldyq okrýginde jalpy paıdalanymdaǵy 1,044 myń gektar jaıylymdyq 35 jer paıdalanýshyǵa berilip ketkendigin kórsetti.Búginde bul boıynsha tıisti sharalar atqarylýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir