Sarysýda sport salasy serpindi damýda

Búginde elimizde buqaralyq sportty damytýǵa basa nazar aýdarylýda. Memleket basshysy Qasym-Jomart Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Joldaýynda da bul salaǵa aıryqsha basymdyq berildi.

Qazirgi tańda Jambyl oblysynda da bul baǵytta nátıjeli jumystar atqarylýda. Sol qatarda Sarysý aýdanynda da tyndyrymdy tirlikter tiktelýde. Atalmysh aımaqta sport salasy jyldan jylǵa qarqyndy damý ústinde.

Ásirese, sporttyq nysandardyń qoljetimdigin arttyrý maqsatynda jeke kásipkerlerdiń áleýetin paıdalaný jaqsy nátıjeler berýde. Mysaly, 2009 jyly Jaıylma aýylyndaǵy jeke kásipker J.Toǵyzaqbaevtyń jeke qarjysyna salyp bergen sport keshenine Jaıylma aýylyndaǵy B.Toǵyzaqbaev atyndaǵy balalar-jasóspirimder sport mektebi ornalasyp, el ıgiligine qyzmet atqarýda.

Sonymen qatar 2016 jyly Dosbol, Saýdakent, Qamqaly, U.Syzdyqbaev, Toǵyzkent aýyldarynda jasandy kishi fýtbol sport alańshalary paıdalanýǵa berildi. Al 2017 jyly Jańatas qalasyndaǵy boks mektebiniń ǵımaratyna aǵymdaǵy jóndeý jumystary júrgizildi. Budan bólek 2018 jyly «О́ńirlerdi damytý» baǵdarlamasy boıynsha Igilik aýyldyq okrýgine eki «Street Workaut» alańshasy salyndy.

Qazirgi tańda Saýdankent aýylynda «Street Workaut» alańshasyn, Jańatas qalasynda ámbebap sportyq alańshasyn salý jumystary jalǵasyn tabýda.

Sondaı-aq aýdanda buqaralyq sportty damytý baǵytynda áralýan sharalar ótkizilip keledi. Bıyldyń ózinde ulttyq sport túrle iboıynsha 22 shara uıymdastyrylǵan. Onyń 12-si aýyldyq okrýgterde ótken. Osy sharalarǵa barlyǵy 960 adam qamtylypty.

Al salamatty ómir saltyn nasıhattaý baǵytynda jyl basynan beri 105 shara uıymdastyrylǵan. Onyń 51-i aýyldyq okrýgtere ótken. Bul baǵyttaǵy sharalarǵa 7500 adam tarlypy, atsalysqan. Sonymen qatar keshendi sporttyq is-sharalar, ıaǵnı spartakıadar uıymdastyrý da jaqsy jolǵa qoıylǵan. Jyl basynan beri osyndaı formatta 6 jarys uıymdastyrylǵan. Olarǵa 800 adam qamtylypty. Jalpy, jyl ishinde 134 is-shara uıymdastyrylyp, olarǵa 9260 adam qatysqan.

Árıne, bul úlken jumystardyń bir parasy ǵana. Aldaǵy ýaqytta bul baǵyttaǵy jumystar júıeli jalǵasa beretin bolady.