Jambylda júk tasymaly jandanýda

Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda temir jol salasyn damytý týraly da tyń mindetter júktedi. О́ıtkeni, el ekonomıkasyn eseleý jolynda temirjol salasynyń atqarar qyzmeti orasan. Ásirese, júk tasymaly baǵytynda júıelenip jatqan jumys kóp.

Aıtalyq, bir ǵana Jambyl júk tasymaly bólimshesi jyl basynan beri júk artyp, túsirýdiń mejesin 6 043 000 tonnalyq 91 025 vagon dep josparlasa, bul 6 129 891 tonnalyq 91 579 vagonǵa deıin jetken.

«Qazfosfat» JShS fosfattar shyǵarýdan bastap, olardan óndiriletin túpki ónimdi temirjol-kólik kesheni kúshimen jetkerýge deıingi búkil jumysty bir ózi atqaratyn Qazaqstan jerindegi biregeı kompanııalar qataryna jatady. Onyń ónimderi Shyǵys jáne Batys Eýropaǵa, TMD elderine, Qytaıǵa, sonymen qatar ishki naryqqa jóneltilip jatyr. «Qazfasfat» JShS jyl basynan bergi hımııalyq tyńaıtqyshtar men ózge de júkter tasymalyn 1 816,7 myń tonnalyq 28 576 vagonǵa mejelese, oryndaǵany 1 863,5 myń tonnalyq 28 957 vagonǵa nemese 102,5 paıyzǵa jetken. Bul kompanııanyń byltyrǵy jetistikterinen 171,9 myń tonnalyq 2 587 vagonǵa kóp eken.

Eń alǵashqy qazaqstan-fransýz birlesken sement zaýyty sanalatyn «Jambyl sement óndiristik kompanııasy» JShS-nyń da tutas el ekonomıkasy úshin mańyzy zor. Kásiporynnyń óndiristik qýattylyǵy jylyna 1,4 mıllıon tonna sementti quraıdy. Bul kúnnen-kúnge ósip kele jatqan qazaqstandyq naryq suranysyn qanaǵattandyrýǵa múmkindik bermek. Sement zaýyty Jambyl oblysy Moıynqum aýdany Myńaral aýylynda ornalasqan.

«Zaýyt «Qazaqstan temir joly» ulttyq kompanııasy toraptaryna jalǵanǵan, jeke temir jol termınalymen jabdyqtalǵan. Kólemdi jetkizilimderdi tikeleı deldardarsyz jáne aralyq baǵa qosýsyz qamtamasyz ete alady. О́ndirilgen sement sapasy qazaqstandyq jáne eýropalyq sapa standarttaryna saı keledi. Jeke temir jol parki sementti Qazaqstannyń kez kelgen jerine jetkizý máselesin tez ári sapaly sheshýge múmkindik beredi. Júktelim qapsyz, qappen jáne bıg-tegpen júzege asyrylady. Zaýyt Almaty-Astana avtojolyna jáne temir jol magıstraline jaqyn mańda oryn tepken. Sonymen birge, termınaldardyń tarmaqty jelisi jetkizý jáne tıeý máselesin jedel túrde sheshýge múmkindik beredi», - deıdi kompanııa dırektory Petro Kala.

Mekemeniń osyndaı ilkimdi isteri bıyl da jalǵasyn tapqan. «Jambyl sement óndiristik kompanııasy» JShS kúni keshege deıin temir jolmen 1 072,9 myń tonnalyq 15 231 vagon ónim jóneltýdi josparlap, naqty jumys nátıjesinde 1 085,7 myń tonnalyq 15 445 vagon taýar tasymaldanǵan. «Jyl basyndaǵy ekijaqty kelisim-shart qujattarynyń kesheýildeýinen joǵarydaǵy kórsetkish byltyrǵymen salystyrǵanda az boldy. Iаǵnı, sement ónimderin tasymaldaý ótken jylǵydan 83,7 myń tonnalyq 1231 vagonǵa kem tústi», - deıdi Ádil Túsipov.

Avtomobıl transportynan temirjol tasymalyna kelsek, bıyldyqqa bolat joldyń boıymen 4015 tonnalyq 73 vagon ártúrli júk jóneltilip, jyldaǵy deńgeıin saqtalǵan. «Bizdiń búgingi maqsatymyz ben múddemiz júk tasymalyn jetildirip, kólemin ulǵaıta túsýge saıady. Máselen, bizdiń ujymnyń táýliktik ortasha túsirýdiń tehnıkalyq jospary 328,46 vagon dep belgilense, bul san qazirgi tańda 328,7 vagondy qurap otyr. Demek, júz paıyzǵa jete qabyl. Osy qarqynnan aldaǵy ýaqytta da aınymaımyz degen senimdemin», - bólimshe dırektorynyń orynbasary Ádil Túsipov.