Tátti túbirdi Taraz qant zaýyty qabyldaýdy bastady

Keıingi jyldary Jambyl oblysynda qyzylsha sharýashylyǵy myqtap qolǵa alyna bastaǵany belgili. Tipti, aǵymdaǵy jyly tátti túbirdiń joǵary surypty tuqymyn alý úshin arnaıy qarjy qaralyp, sharýashylyqtardy jańa tehnıkamen qamtý baǵytynda da kóp jumystar jasaldy. Náıjesinde bıyl jalpy mol ónim alynady dep kózdelgen. Bul jospardy jambyldyq sharýalar júz paıyz oryndaýǵa shaq, dep jazady Qamshy.kz aqparat agenttigi. Jylpy byltyrǵy jyldary tátti túbirdiń kólemi 100 myń tonnaǵa deıin jetken. Bıyl kórsetkish bul nátıjeden asyp jyǵylady dep kútilýde.

Iá, bul sóz joq bas barmaqpen baǵalaýǵa turarlyq. Negizi ótken jyldary oblys boıynsha jınalǵan 17 myń tonna qyzylshany bir ǵana Baızaq aýdany ótkergenin eskersek, ústimizdegi jyly da atalmysh eldi mekenniń sharýalary qyzylsha sharýashylyǵyna jeń túre kirisip, Qant zaýytynan qap-qabymen, tonna-tonnasymen ótkizýde.

Máselen bıyl Baızaq aýdanynda 1207 gektar jerge tátti túbir egilse, aýdan dıhanshylary naýqan bastalǵaly gektaryna 416 sentnerden ónim alýǵa qol jetkizip otyr. Bul ótken jylmen salystyrǵanda 151 sentnerge artyq.

Qazir baızaqtyqtar qant qyzylshasyn Taraz qant zaýytyna ótkizýdi bastady. О́tkizilgen jalpy ónim kólemi 220 tonna. Bul jumystar áli de jalǵasyp, kórsetkin eselep ósetini daýsyz.

Iá, tátti túbirdiń paıdasyn jambyldyq sharýalar molynan kórýde. Bastapqyda shyǵyny shash etekten bolǵan qyzylsha sharýashylyǵynyń qazyǵy endi durys qaǵylyp, tirligi tiktele bastaǵandaı. Ony biz emes sharýalardyń ózi aıtyp, keler jyly egistik alqabyn kóbeıtýge nıetti ekenderin bildirýde.

Al, qazany qaıta qaınap, boıyna qan júgirgen qant zaýyttary shıkizat barda, óndiris kólemin arttyrýǵa myqtap kiresken. Máselen, Merki qant zaýytynyń ózi byltyrlary 25 myń tonna óńdelgen ónim ázirledi. Al, bıyl buıyrtsa 100 myńnan asa tonna qyzylsha óńdelgende óndiris ornynyń órisi keńeıe túsetini anyq. Sondyqtan qyzylsha sharýashylyǵynyń qanaty keńge jaıylyp, jyldaǵy túsim eselene tússin dep tileıik. Odan qara halyqqa paıda kelmese, zııan kelmesi aıqyn.

Endeshe naýqanǵa asyq aǵaıyn. Dala tósindegi qazynany der kezinde jınap, tátti túbirdiń bal qaınarynan sýsyndańyzdar. Sizderdi esigin aıqara ashyp, kútip otyrǵan Qant zaýyttary az emes. Biri aýdandardyń bel ortasynda ornalassa, ekinshisi Taraz mańyndaǵy eldi mekenderge qyzmet kórsetýde. Sondyqtan qazirgi mindet tek ónimdi tolyqtaı jınap alý.