Osydan biraz ýaqyt buryn Shymkentke taksımen kele jatyp, jarty jolda bir áıel taksıge otyrdy. Sózden sóz shyǵyp, ánshilerge jaıynda áńgime jalǵasty. Álgi áıel óziniń balasy úılený toıyna Erkin Nurjanovty shaqyramyz dep qaıta qaıta aıtqanynan keıin álgi ánshini 3.500 dollar kredıt alyp, jalǵa shaqyrypty. Áleýmettik jaǵdaıy asa kúshti emes otbasyǵa mynaý tirlik aıtarlyqtaı soqqy bolyp, kredıtti tóleı almaı qaldyq dep álgi ana kúıinip otyr. Keldi de, úsh tórt óleńmen ýys ýys aqshamyzdy aldy da ketti dep kúıinedi anasy.
Men óz basym Qaırat Nurtasty,Tóreǵalıdy,Tursynbekti toıyma 100 000 ǵa da shaqyrmas edim. Ne ol? Ne qyzyq sonda? О́tirik mıkrofon alyp, ótirik ázildi aıtyp, qazaqty mazaqtap 3 000 000 dy alady da ketedi. Men ol mıllıondarǵa úı salmaımyn ba, jer almaımyn ba, kásip ashpaımyn ba? Osynshama aqshany ótirik mıkrofon alyp qısańdaǵan adamǵa bary joǵy úsh saǵat ishinde tapsyra salý obıda ǵoı, obıda. Neniń azaby? Maqtandy azappen tapqan aqshańa jasaısyń soǵan mıllıondardy tapsyra otyryp. Túk logıka joq. Aqymaqtyq pen nadandyq qana.
Tapsyrys berýshi de, alýshy da aqymaq. Onyń ústine jatatyn ornyna myqty qonaq úıi, tamaǵy, júrer joly...t.b. Mádenı alaıaq osy. Bizdiń keıbir aqymaqtar kredıt alyp osylardy toıǵa shaqyrady eken. Topastyqta da shek joq. Erteń kredıtimdi tóleı almaı otyrmyn dep jylaǵanyna jol bolsyn... О́kimetti kinálaıdy kelip, kredıtimen qysyp jatyr dep.
Shyndyǵynda ánshiler qazaqty ekranda azdyrsa, ekinshi jaǵynan qaltasyn qaǵyp ta azdyryp jatyr. Baryp turǵan ulttyq máseleni kúlip, oınap, jyrtańdap júrip -aq ánshiler jasap júr. Biraq qazaqtyń ózinen. Osy mıllıondardy qundylyqtarǵa, bilim men ǵylymǵa, órkenıet jolyna jumsasa, qazaqtan talaı mıllıonerler men kásipkerler shyǵar edi ǵoı.
Eldik - aqshany shashýdan emes, uqyppen jınaýdan bastalady. Qazaqqa mundaıdy doǵarmaı qaıdaǵy órkenıet?
Bekbolat Qarjannyń facebook paraqshasynan
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir