• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:04:58
Qazaqstan Ýkraınanyń saýda naryǵyna alańdaýly

14 Qazan, 2019 Aımaqtar

Jambylda jas palýandar synǵa tústi

Sarysý aýdany, Jaıylma aýylyndaǵy Bóribek Toǵyzaqbaev atyndaǵy sport kesheninde «Ońtústik Qazaqstan», «Iýjnyı Kazahstan» gazetteriniń jartylaı aýyr salmaqtaǵy jeńimpazy (1963 jyl) Bóribek Toǵyzaqbaıulyn eske alý maqsatynda qazaq kúresinen 2004-2005 jyly týylǵan jasóspirimder arasynda jarys ótkizý ıgi dástúrge aınalǵan. Bıyl VI ret jalaýyn jelbiretken respýblıkalyq týrnır eki kúnge sozyldy. Palýandar básekesine 5 oblys, 10 aýdannan 175 jasóspirim qatysty.

Jarystyń ashylý saltanatynda Sarysý aýdandyq máslıhatynyń hatshysy Saǵymbek Begeev sóz sóıledi. Ol óz sózinde Elbasymyz alǵa qoıǵan 30 paıyzǵa jýyq qazaqstandyqtardyń buqaralyq sportpen shuǵyldanýy týraly tapsyrmasynyń mán-mańyzyna toqtalyp, qatysýshylarǵa sáttilik tiledi.

Beldesýler qyzyqty da tartysty ótip, jas palýandar ózderiniń baqtaryn synady. Osy oraıda jetkinshekter 10 salmaq dárejesi boıynsha júldelerdi sarapqa salyp, birqatar jetistikterge qol jetkizdi.

Mysaly, 35 keli salmaq dárejesinde Shý aýdanynan kelgen E.Saǵymbek qarsylas shaq keltirmeı, birinshi oryndy ıelendi. Al 38 keli salmaq dárejesinde Shymkent qalasynyń sportshysy M.Alıev eshkimge des bermedi. 42 keli salmaq dárejesindegi jarys ta tartysty boldy. Bul synda Túrkistan oblysynyń namysyn qorǵaǵan A.Berdiqulovtyń asyǵy alshysynan túsip, altyn medalǵa qol jetkizdi.

Sonymen qatar 46 keli salmaq dárejesinde de kil myqtydar synǵa tústi. Bul básekede Túrkistan oblysynyń taǵy bir sportshysy I.Qojambek eshkimge des bermeı, jeńimpaz atandy. Al Shý aýdanynyń ókili M.Qartaıǵan ekinshi oryndy enshilese, úzdik úshtikti tarazdyq E.Bızaq pen saýdakenttik J.Qaıratuly túıindedi.

50 keli salmaq dárejesindegi saıys ta jankúıerlerdiń jiti nazarynda boldy. Bul synda Túrkistan oblysynyń sportshysy Q.Kemelhan dara shaýyp, dańqqa bólendi. 55 keli salmaq dárejesinde bolsa Shymkent qalasynyń palýany B.Oralbaıdyń baǵy jandy.

Sol sııaqty 60 keli salmaq dárejesinde Taraz qalasyndaǵy №7 mekteptiń atynan qatysqan J.Jospardyń abyroıy asqaqtady. Al Sozaq aýdanynyń sportshysy J.Aqash 66 keli salmaq dárejesinde baǵy men babynyń qatar kelisip turǵandyǵyn aıqyn ańǵartyp, altyn medaldy qanjyǵaǵa baılady. 73 keli salmaq dárejesinde Túrkistan oblysynyń ókili A.Mahamatov top jarsa, + 73 keli salmaq dárejesinde bozkilem ıeleri- Jaıylma aýylynyń úkilep qosqan úmiti N.Jumabek 1-oryndy ıelendi.

Jasóspirimder saıysy aıaǵynan eresekter arasynda «Jaıylma Barysy» túıe palýan básekesi ótkizildi. Túıe palýan beldesýine Jaıylma aýyly turǵyndarynyń arasynan 10 palýan qatysyp, baq synady.

Jarys sońynan Sarysý aýdanynyń ákimdiginiń dene shynyqtyrý jáne sport bóliminiń medaldary, gramotalary jáne QR Prezıdentiniń «Paryz»

syılyǵynyń jeńimpazy, Sarysý aýdanynyń Qurmetti azamaty Jeńis Toǵyzaqbaevtyń demeýshiligimen kishi jasóspirim jeńimpaz palýandarǵa baǵaly syılyqtar jáne eresekter arasynda ótken túıe palýan jeńimpazdaryna bas júldege motosıkl, teledıdar jáne qarjylaı syılyqtar tabys etildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir