• USD 389.52
  • EUR 429.21
  • RUB 6.07
  • CNY 54.94
21 Qazan, 01:46:38
Nazarbaev: "Nur Otan" halyqty mazalaıtyn máselelerge aralaspaıdy

06 Qazan, 2019 Aımaqtar

Jambylda jataqhanalar qurylysy jandanýda

Memleket basshysy Q.Toqaev «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda «Men saılaý aldyndaǵy baǵdarlamamda biryńǵaı turǵyn úı saıasatyn ázirleý qajettigin aıtqan bolatynmyn.

Negizgi qaǵıdat – turǵyndar, ásirese, áleýmettik turǵydan álsiz toptar úshin baspananyń qoljetimdiligin arttyrý.

Úkimet júıesiz baǵdarlamalar qabyldaý tájirıbesin toqtatyp, turǵyn úı saıasatyn jetildirýdiń biryńǵaı modelin ázirleýi qajet»dep atap kórsetip, bul baǵytta birqatar mindetterdi aıqyndap bergen bolatyn.

Rasynda da buqarany baspanamen qamtýdy bılik nazardan tys qaldyrǵan emes. Bul baǵytta Taraz qalasynda da júıeli jumystar atqarylýda.

Qazirgi tańda paıdalanýǵa berilgen turǵyn úı kóleminiń jalpy aýmaǵy 181,5 myń sharshy metrdi nemese naqty kólem ındeksi 117,1 paıyzdy qurady. Bul kórsetkish ótken jyly 155,0 myń sharshy metr deńgeıinde qalyptasqan bolatyn. Esepti kezeńde qala boıynsha turǵyn úı kezeginde turǵan azamattardyń sany – 17 643 adam bolyp otyr. Onyń ishinde: kóp balaly otbasylar – 1489 bolsa, 29 jasqa tolmaǵan jetim jáne ata-anasynyń qamqorynsyz qalǵan balalar sany – 1935. Sonymen qatar áleýmettik jaǵynan qorǵalatyn toptar 8513 bolsa, memlekettik, bıýdjettik jáne áskerı qyzmetkerler – 5706.

Búginde Súleımenov kóshesiniń sońyndaǵy turǵyn alqapta respýblıkalyq bıýdjet esebinen jartylaı arendalyq jáne jartylaı az qamtylǵan kópbalaly otbasylar úshin 80 páterli 4 turǵyn úılerdiń jáne oblystyq bıýdjet esebinen 80 páterli 1 arendalyq turǵyn úıdiń qurylysy júrgizilýde. Budan bólek, ústimizdegi jyly 15-shi móltek aýdanynda 80-páterli 10 nesıege beriletin turǵyn paıdalanýǵa berildi. Sondaı-aq, atalǵan alqapta, jergilikti atqarýshy organdardyń oblıgasııalar shyǵarý jolymen 60-páterli 11 kredıttik úılerdiń qurylystary júrgizilip jatsa, taǵy da 80 páterli 11 arendalyq turǵyn úıdiń qurylysyn bastaýǵa qalalyq bıýdjetten 22,0 mln. teńge qarjy qarastyryldy. Budan bólek, kezekte turǵan kóp balaly analarǵa arnalǵan «Araı» turǵyn alqaby men «Qarasý» móltek aýdanynda 45 páterli 8 shaǵyn jataqhanalardyń qurylysyn oblystyq bıýdjet esebinen qarjylandyryp, aǵymdy jyly paıdalanýǵa berý kózdelýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir