Tarazda sport alańshalarynyń sany artýda

Elbasy-Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev buǵan deıin qazaqstandyqtardyń 30 paıyzyn buqaralyq sportpen qamtý týraly meje qoıǵan bolatyn. Mańyzdy mindet óz ózektiligin joıǵan joq. Osy oraıda barlyq eldi mekenderde jańa sport alańdary boı kóterip, sheberlikti shyńdaýǵa baǵyttalǵan jarystardyń qatary artýda. Bul árıne, quptarlyq qadam.

Memleket basshysy Qasym-Jomart Toqaev ta búginde sport salasyn damytýǵa úlken kóńil bólýde. Prezıdent otandastarymyzdy sózben jigerlendirip qana qoımaı, tennıs oıynyn jetik meńgergen tulǵa retinde kópke úlgi kórsete bilýde. Sonymen qatar sport salasyn odan ári jetildirýge baǵyttalǵan tyń tapsyrmalar júkteýde.

Búginde Elbasy men Memleket basshysy alǵa qoıǵan mindetter Jambyl oblysynda da óz jemisin berip otyr. Bul turǵyda Taraz qalasynda da naqty mysaldar jeterlik.

Jalpy, qala turǵyndaryn dene shynyqtyrý jáne sportpen shuǵyldanýǵa tartý jumystary boıynsha, aǵymdaǵy jyly 96 buqaralyq sporttyq-kópshilik is-sharalar ótkizilip, oǵan barlyǵy 172 myńnan asa qala turǵyndary qatysypty.

Qazirgi tańda, Taraz qalasynda júıeli túrde sportpen aınalysýshy azamattar sany 106 myńnan astam adam bolsa, bul qala turǵyndarynyń 29,6 paıyzyn qurap otyr. Olardyń ishinde 14 jasqa deıin jasóspirimder – 21 912 adam, 14-29 jas arasyndaǵy jastar – 48 254 adam, 29 jastan joǵary eresekter arasynda – 35 120 adam júıeli túrde sportpen shuǵyldanady.

Taraz qalasynyń ákimi Qaırat Dosaevtyń aıtýynsha, shaharda 515 sport nysandary jumys atqarýda. Onyń 450-i memlekettik bolsa, 65-i jeke menshikte. Aıta ketý kerek, qalada sport salasyn damytý maqsatynda 2019 jyly sport alańshalaryn qaıta qurý, qalpyna keltirý jáne qurylysy boıynsha jol kartasy daıyndalyp, jumystar júrgizilýde. Jalpy bul baǵytta 86 alańsha qamtylady.

Atap aıtqanda bıýdjet qarjaty esebinen 64 alańsha el ıgiligine usynyldy. Onyń ishinde «Qant zaýyty» turǵyn alqabyndaǵy Jaýǵash batyr kóshesi jáne Dorojnık turǵyn alqabyndaǵy jasandy tósenishi bar kishi fýtbol alańshalary, 1 «Street Workout» alańshasy «Qarasý» móltek aýdany "Balaýsa" aýla klýbynyń mańynda jáne 3 birlik «Street Workout» «Qarasý «móltek aýdanynda, Sátpaev kóshesiniń boıyndaǵy 64 úıde, Tastaq, Janbolat kóshesinde paıdalanýǵa berildi. Budan bólek, 25 sporttyq alańshalaryna qalalyq bıýdjetten 47,3 mıllıon teńge bólindi.

Al demeýshiler esebinen 7 alańsha qamtylmaq. Onyń ishinde: «Samuryq qazyna traft» korporaısııalyq qoryna «Meniń elim» áleýmettik ınvestısııalyq baǵdarlamasy aıasynda «Asa» móltek aýdanynda kishi fýtbol alańshasyna jer belgilengen. Aldaǵy ýaqytta tıisti jumystar júrgiziletin bolady. Sonymen qatar jekemenshik 9 alańsha bar. Onyń ishinde «Dostyk-life» 1 sport alańshasy paıdalanýǵa berildi.

Budan basqa ótken jyly qalalyq turǵyn-jaı kommýnaldyq sharýashylyq, jolaýshylar kóligi jáne avtomobıl joldary bólimi arqyly alańshalardy soqqan jaýapkershiligi shekteýlik seriktestikter óz qarajaty esebinen 6 alańshany qalpyna keltirý jumystaryn júrgizýde.